Azərbaycan, Bakı, 30 aprel/ Trend , müxbir İ.Xəlilova/ İqtisadi siyasət üzrə parlament komissiyası Milli Məclisə, Azərbaycanın 2008-ci il üçün dövlət büdcəsinə düzəlişləri təsdiqləməyi tövsiyə edib. Plenar iclasda layihəyə dəyişikliklər və əlavələrin müzakirəsi mayın 2-nə planlaşdırılıb.
Parlament komissiyasının bugünkü iclasında sənədi təqdim edən Samir Şərifov bildirib ki, büdcə proqnozlarına düzəlişlər nəticəsində dövlət büdcəsinin defisiti 576,6 manatadək azalacaq və ya ÜDM-in 1,8 faizini təşkil edəcək.
Bu, 2008-ci il üçün təsdiq edilmiş dövlət büdcəsi gəlirlərinin 3091,5 mln. manat - 7392,5 mln. manatdan 10 484 mln. manatadək, məxaric hissəsinin isə 2541,7 mln. manat - 8518,9 mln. manatdan 11 060,6 mln. manatadək artırılması ilə bağlıdır.
Dövlət büdcəsinin əlavə gəlirləri dörd istiqamət hesabına formalaşdırılacaq. Maliyyə Nazirliyi üçün vergi toplanması üzrə proqnoz 7,6 faiz (380 mln. manat) - 5,380 mlrd. manatadək, Dövlət Gömrük Komitəsi üçün 0,9 faiz (10 mln. manat) - 1,110 mlrd. manatadək, Dövlət Neft Fondundan transfertlər - 2,7 mlrd. manat artırılaraq 3,8 mlrd. manatadək, büdcə təşkilatlarının pullu xidmətlərindən daxilolmalar üzrə 1,5 mln. manat artırılaraq 137,5 mlrd. manatadək artırılacaq.
Nazirin sözlərinə görə, düzəlişlər nəticəsində büdcə xərcləri ÜDM-in 34 faizini təşkil edəcək. Əlavə xərclər cari büdcə ehtiyacları xərclərinin 983 mln. manat (38,1 faiz), kapital investisiyalarının - 1,542 mlrd. manat (60,7 faiz), xarici borcun ödənilməsi - 17 mln. manat (0,2 faiz), diplomatik xidmətlərin saxlanılması - 3 mln. manat, Beynəxalq Maliyyə Təşkilatlarında üzvlük haqqlarının ödənilməsi - 2,8 mln. manat artırılması hesabına təmin ediləcək.
Dövlət kapital investisiyaları 4,326 mlrd. manatadək artacaq. Hüquq-mühafizə orqanlarının saxlanılması üçün əlavə xərclər 4,8 mln. manat artacaq. Kapital investisiyalar maddəsi üzrə 1,5 mlrd. manat məbləğində əlavə vəsait energetika proqramı, Bakının elektrik təchizatının yaxşılaşdırılması, avtomobil yollarının yenidən qurulması, Bakı metropoliteni üçün vaqonların alınması, Xəzər Dəniz Gəmiçiliyinin kapitallaşdırılması layihələri, güc strukturlarının infrastruktur layihələrinin və s. reallaşdırılması üçün nəzərdə tutulub.
Nazirin sözlərinə görə, ölkənin müdafiə potensialının gücləndirilməsi üçün əlavə olaraq 276 mln. manat ayrılacaq və bu məqsədlər üçün xərclər 1, 344 mlrd. manata, sosial müdafiə üçün isə 814,25 mln. manata çatacaq.
Aprelin 30-na olan rəsmi məzənə: 0,8292 AZN/USD
Müəlliflə əlaqə saxlamaq üçün elektron ünvan: [email protected]
