Azərbaycan, Bakı, 03 may/ Trend , müxbir D.Xatınoğlu / Azərbaycan və İran Limanlar Komitəsinin ikinci iclası mayın 4-6-da Tehranda keçiriləcək.
İranın IRNA xəbər agentliyinin məlumata əsasən, İranın Beynəlxalq Limanlar və Gəmiçilik Təşkilatının mətbuat katibi Əlirza Satei deyib ki, İran və Azərbaycanın Liman və dəniz ticarət işləri üzrə rəsmiləri Xəzər dənizindən ikitərəfli dəniz yolu tranziti məsələləri üzrə əməkdaşlıq və Şimal-Cənub tranzit dəhlizinin aktivləşdirilməsi üçün əsas avadanlıqların qurulmasını müzakirə edəcəklər.
İclasda İranın liman və dəniz yolu tranziti üzə özəl şirkətləri də iştirak edəcəklər. Tədbir çərçivəsində ikitərəfli dəniz yolu tranziti və dənizin neftlə çirklənməsinin qarşısını almaq yolları da müzakirə olunacaq.
