Azərbaycan, Bakı, 05 may / müxbir İ.Xəlilova/ Azərbaycanda II İordanyia sərgisində və Azərbaycan-İordaniya biznes-forumunda iştirak etmək üçün İordaniyanın sənaye və ticarət naziri Amer Hadidinin başçılıq etdiyi nümayəndə heyəti Bakıya gəlib. Bu barədə bazar ertəsi, Azərbaycanın İxrac və İnvestisiyaların Təşviqi Fondundan (AZPROMO) məlumat veriblər.
Tədbirlərdə yüngül sənaye, tikinti materialları, turizm, loqistika, elektrik və məişət avadanlığı, daşınmaz əmlak, əczaçılıq, kənd təsərrüfatı, səhiyyə sahələrindən 48 İordaniya şirkəti və Assosiasiyasının nümayəndələri iştirak edəcəklər.
İordaniya kralı II Abdalla ben Hüseynin tapşırığı ilə, nümayəndə heyətinə Azərbaycanın işgüzar insanları ilə münasibətlərin qurulması üçün ölkəyə gələn iri şirkətlərin nümayəndələri daxil ediliblər. Bundan əlavə, biznes-forumda Aqaba azad iqtisadi zonasının təqdimatının keçiriləcəyi gözlənilir.
Azərbaycan tərəfdən forumda 100-dən çox şirkət, bank, holdinq təmsil olunub.
Birinci Azərbaycan-İordaniya biznes-forumu və İordaniya Milli Sərgisi 2006-cı ilin noyabrında, İordaniya Krallığının Baş naziri Maruf Əl Bakhitin (Marouf Al Bakhit) Azərbaycana səfəri çərçivəsində keçirilib. Onun başçılıq etdiyi nümayəndə heyətində tikinti sektoru, kimya, qida sənayesi, səhiyyə, kənd təsərrüfatı, məişət avadanlığının istehsalı sahələri üzrə 30-dan çox şirkət təmsil olunub.
2007-ci ilin yekunlarına görə, Azərbaycan və İordaniya arasında mal dövriyyəsi $1 291,8 min (AR ümumi mal dövriyyəsinin 0,01 faizi) təşkil edib. 2008-ci ilin yanvarı ərzində respublikaya İordaniya mallarının idxalı $19,9 min təşkil edib. İxrac əməliyyatları isə aparılmayıb.
Müəlliflə əlaqə saxlamaq üçün elektron ünvan: [email protected]
