Azərbaycan, Bakı, 06 may / Trend , müxbir İ.Xəlilova/ Qara Dəniz Ticarət və İnkişaf Bankı İdarəçilik Şurasının (QTİB) iyunun 28-də Sank-Peterburqda keçiriləcək 10-cu illik iclasında Azərbaycan hökuməti QTİB kapitalında səhmlərin boş qalan üç faizinin cəlb edilməsi üzrə qərarını açıqlayacaq. Bu barədə çərşənbə axşamı iqtisadi inkişaf nazirinin muavini, Bankın Azərbaycandan olan direktoru Mikayıl Cabbarov bildirib.
Onun rəyinə görə, Azərbaycan üçün, ilk növbədə, bankda institusional mövcudluğu yüksəltmək mühümdür. Bu, QTİB kapitalında ölkənin iştirak payının beş faizə qədər artması nəticəsində mümkün ola bilər. İkincisi, Azərbaycanın Qara dəniz Bankının maliyyə resurslarına girişini artıracaq.
Bu gün Türkiyə, Rusiya və Yunanıstan hər biri 16,5 faiz, Bolqarıstan, Rumıniya və Ukrayna 13,5 faiz, Azərbaycan və Albaniya 2 faiz, Gürcüstan, Moldova və Ermənistan isə 1 faiz zərfə malikdir.
"Hökumətin hazırkı qərarı Azərbaycanın payının dörd ölkənin birgə kapitallaşma səviyyəsinə çatdırmağa imkan verəcək", -deyə nazir müavini bildirib.
Hazırda Azərbaycan QTİB kapitalına 6 mln. SDR ödəyib. Bankın açıqlanan kapitalı bu gün 1 mlrd. SDR təşkil edir. Bunun 300 mln. SDR-i ödənilib. Lakin Bankın 2008-ci ildən kapitalın ikiqat artırılmasına dair qərarı ilə əlaqədar, QTİB-ə üzv-ölkələr mayın 10-dək bu prosesə qoşulmalıdır. Cabbarov hesab edir ki, Azərbaycanın bankın kapitallaşmasında iştirakı hökumətin qərarından asılıdır.
İdarəçilərin görüşündə QTİB-ə yeni üzvlərin cəlb edilməsi mümkünlüyü istisna edilmir. Bunun yalnız yeni ölkələrin deyil, həm də yüksək reytinqə malik maliyyə institutlarının üzvlüyə cəlb edilməsi ilə baş verəcəyi gözlənilir. Almaniyanın İnkişaf Bankı (KFW) müşahidəçi qismində qoşulub. Yanvar ayında səhmdarlar sırasına Serbiyanın qəbul edilmə mümkünlüyünün nəzərdən keçirilməsi gözlənilirdi, lakin hələlik bu barədə müvafiq qərar yoxdur.
QTİB İdarəçilik Şurası çərçivəsində Direktorlar Şurasının iclasının, həmçinin, biznes-forumun keçirilməsi planlaşdırılır.
İqtisadi inkişaf naziri Heydər Babayev Qara dəniz Bankında Azərbaycandan olan idarəçidir, onun müavini isə, maliyyə naziri Samir Şərifovdur.
Qara dəniz Ticarət və İnkişaf Bankı 1999-cu il iyunun 1-dən fəaliyyət göstərir.
Müəlliflə əlaqə saxlamaq üçün elektron ünvan : capital
