Azərbaycan, Bakı, 16 may/ Trend , müxbir Ü.İsmayılova/ Yanvar-martda Azərbaycanın Əmək və Əhalinin Sosial Müdafiəsi Nazirliyi nəzdində Məşğulluq Xidmətinə 10 mindən çox işsiz tərəfindən təklifi daxil olub. Bu barədə cümə günü Məşğulluq Xidmətinin rəhbəri Anar Bədəlbəyli məlumat verib.
"Onlardan 6 min nəfəri işlə təmin olunub", - Bədəlbəyli bildirib.
Xidmət rəhbəri bildirib ki, Bakıda hüquqşünaslara, maliyyəçilərə, həmçinin, inşaatçılara tələbat daha çoxdur.
Bədəlbəylinin sözlərinə görə, məşğulluq xidmətinə müraciət edənlərin ümumi sayından 680 nəfər ixtisaslaşdırılmış hazırlıq kurslarına göndəriliblər.
2007-ci ilin mayında Əmək Nazirliyi Bakı Regional İxtisaslaşdırılmış Tədris Mərkəzi açıb. 2008-ci ilin mayında Göyçay rayonunda da belə mərkəz açılıb. Nazirliyin planlarında Tovuz, Naxçıvan, Gəncə, Goranboy və digər regionlarda belə mərkəzlərin açılması daxildir.
Əmək Nazirliyi işsizlərin tədrisi məqsədilə bu kurslarda dərs demək üçün müqavilə ilə bu və ya digər sahənin mütəxəssislərini işə götürür.
Dövlət Statistika Komitəsinin məlumatlarına əsasən, yanvar-martda rəsmi olaraq qeydiyyatdan keçmiş işsizlərin sayı 451,3 min nəfər təşkil edib və onların 48 faizi qadınlardır. Azərbaycanda bir iş yerinə rəsmi olaraq qeydiyyatdan keçmiş dörd nəfər iddia edir.
Müəlliflə əlaqə saxlamaq üçün elektron ünvan: [email protected]
