Azərbaycan, Bakı, 21 may / Trend , müxbir U.İsmayılova/ Azərbaycanda iyulun 10-11-də I Azərbaycan Beynəlxalq Sığorta Forumu keçiriləcək. Forumun təşkilatçısı Azərbaycanın Sığorta Assosiasiyasıdır. Forum Maliyyə Nazirliyinin dəstəyi ilə keçiriləcək. Bu haqda Assosiasiyanın icraçı direktoru Qafar Məcidov çərşənbə günü bildirib.
"Sığorta Forumu Azərbaycanda ilk dəfə keçirilir və biz ümid edirik ki, Avroasiya qitəsi ölkələrinin sığorta bazarları üçün əhəmiyyətli beynəlxalq hadisəyə çevriləcək", - Məcidov əlavə edib.
Forumun vəzifəsi Azərbaycanın sığorta bazarı haqqında məlumat vermək, beynəlxalq sığorta xidmətləri bazarında inteqrasiya proseslərini inkişaf etdirmək, dünya sığorta cəmiyyəti iştirakçılarının birləşməsi, təcrübə mübadiləsi, sığortaçıların işgüzar görüşləri və tərəfdaş əlaqələrini inkişaf etdirməkdir.
Forum Azərbaycan sığorta bazarının inkişaf tendensiyasına, Avropa ölkələrinin sığorta bazarlarının təcrübəsi və onun respublika sığortasının inkişafına yansıması, ölkənin sığorta bazarının maliyyə sistemi, sığortada korporativ idarəetmə və həyatın sığortalanması üzrə inkişaf tendensiyasına həsr olunacaq.
Forumun proqramı sığorta şirkətlərinin rəhbərləri üçün nəzərdə tutulub. Forumda iri beynəlxalq sığorta və özünüsığorta şirkətlərinin iştirakı gözlənilir.
Azərbaycanın Sığorta Şirkətlərinin Assosiasiyası 2006-cı il dekabrın 29-da təsis edilib. Assosiasiyanın nəzarət şurasına Azərbaycanın beş sığorta şirkəti daxildir - "MBASK", "Standard Insurance", Beynəlxalq Sığorta Şirkəti, "Azersigorta", "Ateshgah". Nəzarət şurasının sədri "Standard Insurance" SŞ-nın baş direktoru Kamal İbrahimov, sədr müavini - "MBASK" SŞ-nın İdarə Heyətinin sədri Cəmil Məlikov seçilib.
Müəlliflə əlaqə saxlamaq üçün elektron ünvan: [email protected]
