Azərbaycan, Bakı, 22 may/ Trend müxbir İ.Xəlilova/ Azərbaycan və Türkmənistan ticarət-iqtisadi münasibətlərin qurulması üçün iyunun 16-18-də Aşqabadda birinci biznes-forumun keçirilməsinə hazırlaşırlar. Bu barədə çərşənbə günü Azərbaycan İxrac və İnvestisiyaların Təşviqi Fondundan (AZPROMO) məlumat veriblər. Tədbirin təşkilatçıları AZPROMO və Türkmənistanın Ticarət palatasıdır.
Hazırda biznes-forumun iştirakçılarının siyahısı formalaşdırlır.
"Türkmənistan iqtisadiyyatı bizim üçün çox maraqlıdır və buna görə də, Azərbaycanın işgüzar insanları tərəfindən böyük maraq ola bilər", - AZPROMO-da bildiriblər.
Azərbaycanın statistikasına əsasən, ötən ilin yekunlarına əsasən, iki ölkə arasında mal dövriyyəsi $53,9 mln. təşkil edib. İdxal əməliyyatlarının payına $40,3 mln. düşüb. Lakin, birinci rübdə xarici ticarət əməliyyatlarında Azərbaycan mallarının ixracı üstünlük təşkil edir. Azərbaycan mallarının ixracı $8,9 mln. olan ümumi mal dövriyyəsində $5,4 mln. təşkil edib.
Azərbaycan və Türkmənistan hökumətləri yaxın iki üç ildə mal dövriyyəsini $500 mln.-a çatdırmağı qarşıya vəzifə qoyublar.
İki ölkənin münasibətləri Qurbanqulu Berdımuhammədovun Türkmənistanın yeni prezidenti seçilməsindən sonra bərpa olunub. İqtisadi əlaqələrin genişləndirilməsi haqqında razılıq onun bu həftə Azərbaycana birinci səfəri zamanı əldə edilib. Bu hadisə, yeddi illik fasilədən sonra Türkmənistanın Bakıdakı səfirliyinin işini bərpa etməsi ilə üst-üstə düşüb. Səfirliyin fəaliyyətinin bərpa edilməsi haqqında razılıq hökumətlərarası komissiyanın birinci iclasında əldə edilib.
Türkmənistanın Azərbaycandakı səfirliyi 2001-ci ildə, ölkələr arasında siyasi-iqtisadi münasibətlərin soyuqlaşması dövründə Bakıdan Aşqabada köçürülüb.
İki ölkə arasında fikir ayrılıqları əsasən Xəzərdəki mübahisəli yataqlar ("Kəpəz", türkmən yazılışında isə "Sərdar") və dəniz sərhədinin müəyyən edilməsi, həmçinin Azərbaycanın Türkmənistana 90-cı illərin əvvəlində yaranmış dövlət borcunun məbləği ilə bağlı kəskinləşib. Türkmənistan prezidentinin bu gün AR-a səfəri ərəfəsində ölkə türkmən qazının alınmasına görə $44,8 mln. məbləğində borcu tamamilə qaytarıb.
Mayın 21-ə olan rəsmi məzənnə - 0,8247 AZN/USD.
Müəlliflə əlaqə saxlmaq üçün elektron ünvan: [email protected]
