Azərbaycan, Bakı, 22 may/ Trend / Bakı-Tbilisi-Qars marşrutu üzrə dəmir yolu əlaqəsinin Türkiyə hissəsinin tikintisinin başlanılması mərasimi iyunun 12-də keçiriləcək. Bu barədə cümə axşamı, Türkiyənin diplomatik mənbələrindən məlumat veriblər.
Bu layihə çərçivəsində, Türkiyə ərazisində dəmir yolunun 76 km uzunluğunda çatışamayan hissəsi tikiləcək. Türkiyə hissəsinin tikintisinin dəyəri 380 mln. YTL. (Türkiyə lirəsi) qiymətləndirilir.
Dəmir yolu əlaqəsinin açılması layihəsini 2009-cu ildə başa çatdırmaq planlaşdırılır. Bu vaxtadək Mərmərə layihəsi - Bosforun altı ilə tunnelin tikintisi bgaşa çatacaq. Bu Avropaya dəmir yolu əlaqəsi açmağa imkan verəcək.
Azərbaycanın "Azərinşaatservis" tikinti şirkəti Gürcüstanda 29 kilometrlik dəmir yolu sahəsinin tikintisi layihəsi üzrə tenderin qalibi olub və işlərin həyata keçirilməsinə başlayıb.. "Azərinşaatservis" ilə bağlanan müqavilənin ümumi dəyəri $79 mln. təşkil edir. İşləri 2009-cu il oktyabrın 1-də tam başa çatdırmaq nəzərdə tutulur.
Gürcüstanda tikinti və layihə işləri Azərbaycanın $200 mln. məbləğində kredit vəsaitləri hesabına həyata keçirilir.
"Bakı-Tbilisi-Qars" layihəsi çərçivəsində yeni 105 kilometrlik dəmir yolu magistralı qolunun tikintisi planlaşdırılır. Onun 76 kilometri Türkiyə, 29 kilometri Gürcüstan ərazisindən keçəcək. Gürcüstanda buraxma gücünü ildə 15 ton yükə çatdırmaq üçün 183 kilometrlik Axalkalaki-Marabda-Tbilisi dəmir yolu sahəsi də yenidən qurulacaq. Axalkalakidə qatarların Gürcüstanda mövcud olan relslərdən Avropa relslərinə keçməsi üçün məntəqə tikmək planlaşdırılır. Layihə $422 mln. , müvafiq infrastruktur nəzərə alınmaqla isə, $600 mln. qiymətləndirilir.
