Azərbaycan, Bakı, 24 may / Trend / Azərbaycan prezidenti Rumıniya hökuməti ilə ticari-iqtisadi əlaqələr və elmi-texniki əməkdaşlıq üzrə birgə komissiyanın yeni tərkibinin təsdiq edilməsi barədə sərəncam verib.
Sənədə əsasən, Azərbaycanın baş nazirinin birinci müavini Yaqub Eyyybov komissiyanın həmsədri təyin edilib.
Komissiyanın tərkibinə Azərbaycanın sənaye və energetika naziri Natiq Əliyev, xarici işlər nazirinin müavini Xələf Xələfov, iqtisadi inkişaf nazirinin müavini Niyazi Səfərov, nəqliyyat nazirinin müavini Musa Pənahov, kənd təsərrüfatı nazirinin müavini İlham Quliyev, mədəniyyət və turizm nazirinin müavini Teymur Mehdiyev, təhsil nazirinin müavini İsgəndər İsgəndərov, səhiyyə nazirinin müavini Sənan Kərimov, Azərbaycan Dövlət Neft Şirkətinin prezidenti Rövnəq Abdullayev, Milli Bankın İdarə Heyətinin sədr müavini Vadim Xubanov, Azərbaycanın Rumıniyadakı Fövqəladə və Səlahiyyətli səfiri Eldar Həsənov, Azərbaycan Nazirlər Kabineti Aparatının xarici iqtisadiəlaqələr şöbəsinin müdiri Ağadayı Ağayev (məsul katib) daxildirlər.
