...

Azərbaycan ölkənin maliyyə sektoru üçün üçüncü güzəştli kreditdən məhrum ola bilər

Biznes və iqtisadiyyat xəbərləri Materials 27 May 2008 17:47 (UTC +04:00)

Azərbaycan, Bakı, 27 may/ Trend , müxbir İ.Xəlilova/ Azərbaycanın Maliyyə Nazirliyi maliyyə sektorunun müasirləşdirilməsinə texniki yardım layihəsi üzrə Dünya Bankının güzəştli kredit vəsaitlərinin özəl pensiya fondlarının yaradılması sahəsində qanunvericiliyin öyrənilməsi və hazırlanmasına yönəltməyə təkid edir. Bu barədə maliyyə nazirinin müavini Azər Bayramov məlumat verib.

"Bu, uzunmüddətli dövrə (50-80 il) hesablanmış siyasətdir və bununla əlaqədar, dəqiq mövqe və digər ölkələrdə pensiya fondlarının yaradılmasının forma və nəticələri üzrə geniş məlumat bazası tələb olunur", - nazir müavini qeyd edib.

Hökumətin layihənin komponentləri üzrə mövqeyinin qeyri-müəyyən olması ilə bağlı olaraq, layihə üzrə danışıqlar hələ də davam etdirilir. Maliyyə Nazirliyi bu komponenti Milli Bankın təklif etdiyi tədbirlərin əvəzinə layihəyə daxil etməyi təklif edir. Milli Bank tərəfindən təklif olunmuş tədbirlər aşağıdakılardır: İnternet şəbəkəsi vasitəsilə AMB-nin maliyyə məlumatlarına çıxışın və şəffaflığın yaxşılaşdırılması, kredit bürosunda mövcud Mərkəzləşdirilmiş Kredit Reyestrinin yeniləşdirilməsi; on-line rejimdə reyestrin işinin təmin edilməsi, istehlakçı və müəssisələr üçün kredit tarixlərinin aparılması; kənd təsərrüfatı məhsulları istehsalçıları ilə iş üçün bank və bank olmayan kredit təşkilatlarının tədris proqramları ilə təmin edilməsi.

"Biz belə yanaşmanı dəstəkləyirik. Belə ki, bu tədbir güzəştli kreditlər hesabına maliyyələşdirmə baxımından prioritetdir", - Bayramov bildirib.

[Bankın Bakı nümayəndəliyinin rəhbəri Qreqori Yeceyçak söyləyirdi ki, layihəni iyunun sonunda - vaxtında DB Direktorlar Şurasının təsdiqinə çıxartmaq üçün danışıqlar ötən həftənin sonunadək başa çatmalıydı]

Özəl pensiya fondlarının fəaliyyətinin lisenziyalaşdırılması ölkənin Maliyyə Nazirliyinə həvalə edilib.

DB layihənin reallaşdırılması üçün, möhlət müddəti 10 il olmaqla 35 il müddətinə, illik 075 faiz dərəcə ilə $10 mln. məbləğində kredit ayırmağa hazırdır.

Layihə nizamlayıcı və nəzarət rejiminin gücləndirilməsi ilə Azərbaycanın maliyyə bölməsinin sürətli inkişaf nəticəsində meydana çıxan sistemli risklərin qarşısının alınması, çıxış və əsas maliyyə əməliyyatlarının şəffaflığının yaxşılaşdırılmasına yönəlib. AMB-nin komponentindən əlavə, ona, həmçinin, şirkətlərin yerli bazara daha böyük çıxışı üçün bazarda nizamlayıcı və nəzarət rejiminin yaxşılaşdırılması; maliyyə xidmətləri istehlakçılarının hüquqlarının müdafiəsinin gücləndirilməsi üzrə islahatlar daxil olub.

Bu, ölkənin maliyyə bölməsi üçün DB-nin üçüncü və güzəştli şərtlərlə sonuncu krediti olacaq. Dünya Bankı Azərbaycanın maliyyə bölməsinə texniki yardımın göstərilməsi (FSTA) üçün artıq $5,4 mln., maliyyə xidmətlərinin inkişafına isə $12 mln. ayırıb.

Mayın 27-nə olan rəsmi məzənnə - 0,8218 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti