Azərbaycan, Bakı, 02 iyun/ Trend müxbir Ü.İsmayılova/ Azərbaycanın Maliyyə Nazirliyinin Dövlət Sığorta Nəzarəti aktuar işinə öyrədilməsi üçün xüsusi kurslar keçirəcək. Bu barədə bazar ertəsi Dövlət Sığorta Nəzarətinin baş məsləhətçisi Tofiq Məmtiyev məlumat verib.
"Aktuariya kurslarını keçənlər sertifikatlaşdırılacaqlar", - Məmtiyev bildirib.
Azərbaycanda aktuar işini öyrədən xüsusi qanun və mərkəz yoxdur. Hazırda ölkədə cəmi beş peşəkar aktuari var və onlar 2007-ci ilin mayında Azərbaycanın Aktuarilər Asossiyasiyasını yaradıblar.
Məmtiyev bildirib ki, kurslar dörd mərhələdə keçiriləcək və onlardan hər biri başa çatdıqdan sonra, aktuarilər növbəti mərhələyə keçmək üçün sertifikat alacaqlar.
Kurslarda iştirak üçün həm sığorta şirkətlərinin ali riyazi təhsilə malik əməkdaşları, həm də ali texniki universitetlərin aktuar işini öyrənməyi arzulayan tələbələri dəvət olunacaqlar.
Məşğələlərin birinci mərhələsini məşhur kanadalı aktuar Mayl Zi keçirəcək.
Kurslar USAİD-in maliyyə dəstəyi ilə Azərbaycanın Maliyyə Nazirliyi və Azərbaycanın Sığorta Şirkətləri Assosiasiyasının təşkilatçılığı ilə keçiriləcək.
Aktuari - ehtimal nəzəriyyəsi və riyasi statistikaya əsaslanmış statistik məlumat və riyazi üsullar əsasında, sığorta tariflərinin böyüklüyünü və sığortaçının etibarlılığını qiymətləndirən mütəxəssis-riyaziyyatçıdır.
Müəlliflə əlaqə saxlamaq üçün elektron ünvan: [email protected]