Azərbaycan, Bakı, 09 iyun / Trend , müxbir S.Babayeva/ Azərbaycan prezidenti İlham Əliyevin fərmanı ilə ölkənin Dövlət Gömrük Komitəsi strukturuna əlavə və dəyişikliklər edilib. Qaçaqmalçılıq və gömrük qaydalarının pozulması ilə mübarizə Baş İdarəsinin adı dəyişdirilərək, "Gömrük üzrə qanun pozuntuları ilə mübarizə Baş İdarəsi" edilib.
"Statistika və informasiya texnologiyaları İdarəsi"nin adına isə, "auditin idarə olunması və risklərin təhlili" sözləri əlavə edilib. Naxçıvan Gömrük Komitəsi "Naxçıvan Muxtar Respublikasının Dövlət Gömrük Komitəsi", Əli-Bayramlı Gömrük İdarəsi isə - Şirvan Gömrük İdarəsi adlandırılıb.