Azərbaycan, Bakı, 12 iyun/ Trend , müxbirlər İ.Xəlilova, M.Əliyev/ Türkiyənin maliyyə naziri Kamal Unakitanın iyunun 20-də Bakıya səfəri planlaşdırlıb. Bu barədə cümə axşamı Türkiyənin Azərbaycandakı diplomatik nümayəndəliyindən məlumat veriblər.
Nazir azərbaycanlı həmkarı ilə görüşdə iki ölkənin maliyyə idarələri arasında gələcək əməkdaşlıq perspektivlərini müzakirə edəcək. borc öhdəlikləri Azərbaycan və Türkiyənin arasında həll edilməmiş qalmaqda davam edir. Türkiyənin Eksimbankına borc 1994-cü ildə yaranıb. O bir neçə hissədən ibarətdir. Blokadada olan NMR üçün Eksimbankın kredit vəsaitlərinə taxılın alınması nəticəsində $20 mln. borc yaranıb. Türkiyə tərəfi restrukturlaşdırmaya getməyə hazırdır. Bununla əlaqədar borcun qaytarılması şərtləri müzakirə edilməlidir.
Azərbaycan hökuməti borcun digər hissəsinin ödənilməsinə 2006-cı ildə başlayıb. Azərbaycan Türkiyənin Eksimbankının $250 mln. həcmində kreditinin ümumi həcmindən $74 mln. istifadə edib. İmzalanmış protokol əsasında kredit restrukturlaşdırılıb və $74 mln. 2010-cu ilədək tamamilə qaytarılmalıdır. Bununla yanaşı, Azərbaycan kreditn $48 mln. həcmində bir hissəsi üzrə faiz ödəməyəcək. Digər hissəyə ($26 mln.) 2 faiz illik dərəcə əlavə ediləcək. Maliyyə Nazirliyi faizlərin ödənilməsinə 2005-ci ildən başlayıb. Eksimbankın vəsaitlərindən müxtəlif istiqamətlərdə istifadə edilib - taxıl, dərman preparatlarının alınması və s.
Səfirlikdə, həmçinin, qeyd ediblər ki, Türkiyənin maliyyə naziri səfər çərçivəsində Azərbaycanda işləyən türk iş adamları ilə görüşəcək.
İyunun 12-nə olan cari məzənnə 0,8184 AZN/USD.
Müəlliflə əlaqə saxlamaq üçün elektron ünvan: [email protected]
