...

Azərbaycan, Rusiya və İran "Şimal-Cənub" dəmir yolu layihəsinin realizəsinin sürətləndirilməsi variantlarını nəzərdən keçirirlər

Biznes və iqtisadiyyat xəbərləri Materials 17 İyun 2008 20:02 (UTC +04:00)

Azərbaycan, Bakı, 17 iyun/ Trend / Azərbaycan, İran və Rusiyanın dəmir yolu ekspertləri Bakıda "Şimal-Cənub" layihəsi üzrə işlərin sürətləndirilməsi məqsədilə, birgə fəaliyyət konsepsiyası və birgə qərarların qəbul edilməsinə dair Rusiya tərəfinin təklfilərini müzakirə edirlər. Bu barədə Dövlət Dəmir Yolu İdarəsinin çərşənbə axşamı yayılan məlumatında deyilir.

Tərəflər bu layihə üzrə konsorsiumun yaradılması imkanlarını müzakirə edirlər. Konsorsiumun yaradılması onun reallaşdırılmasını sürətləndirməyə və maliyyələşdirmə üçün vəsait cəlb etməyə imkan verəcək.

Gündəlikdə dayanan məsələlər arasında İran tərəfinin bu ölkə ərazisində Qəzvin-Rəşt-Astara (İran) - Astara (Azərbaycan) dəmir yolu xəttinin tikintisi layihəsinin reallaşdırılmasının gedişi barədə məruzəsi, layihə konsepsiyasının müzakirəsi əsasında biznes-planın hazırlanması məsələləri var. Görüş iyunun 19-dək keçiriləcək.

"Şimal-Cənub" nəqliyyat dəhlizi layihəsi Rusiya, Azərbaycan və İran vasitəsilə, Avropadan Hindistan və Cənub-Şərqi Asiya ölkələrinə vahid dəmir yolu əlaqəsinin yaradılmasını nəzərdə tutur. İşlərin böyük hissəsi isə, Azərbaycan sərhədinədək dəmir yolu rabitəsinə malik olmayan İranda həyata keçirilməlidir. Azərbaycanda $30-40 mln.-dan çox vəsaitə müəyyən işlər görmək lazımdır.

Azərbaycanda həyata keçirləcək işlərin həcmi böyük deyil. Astara stansiyasınadək təqribən 8,5 km yol hissəsi çəkilməli, təkər cütlüklərinin dəyişmə sisteminə malik stansiyalar, sərhəd və gömrük infrastrukturu yaratmaq lazımdır. Sərhəd dəmir yolu körpüsü tikmək lazımdır. Lakin, bu layihənin reallaşdırılması İranla paritet əsasda həyata keçiriləcək.

Birinci mərhələdə bu dəhlizlə 5 mln. ton yükün daşınacağı proqnozlaşdırılır. Sonra isə bu rəqəm ildə 10-15 mln. tona çatacaq.

Xəbər lenti

Xəbər lenti