Türkiyə, Ankara, 30 iyun / Trend , müxbir T.Əliyev/ Türkiyədə 2009 - cu ildə 5, 2010 -cu ildə 5,5 faiz iqtisadi artım əldə edilməsi proqnozlaşdırılır. 2011-ci ildə artım 6 faiz təşkil edəcək.
Türkiyənin Dövlət Plan Təşkilatının hazırladığı və 2009-2011-ci illəri əhatə edən ortavədəli proqram Nazirlər Kabineti tərəfindən təsdiq edildikdən sonra rəsmi qəzetdə dərc edilərək, qüvvəyə minib. Proqrama əsasən, qarşıdakı 3 il ərzində sərmayə, yeni iş yerlərinin yaradılması və ixracata üstünlük verən artım strategiyası davam etdiriləcək.
Türkiyədə İnflyasiya 2009, 2010 və 2011-ci illərə, müvafiq olaraq, 7.5, 6.5 və 5.5 faiz proqnozlaşdırılır. Proqramda qeyd edilir ki, həmin dövrdə Mərkəzi Bank inflyasiyanın azalmasına çalışacaq və maliyə siyasəti bu istiqamətdə aparılacaq.
Dövlət büdcəsindən maliyyələşən qurumlarda işləyənlərin əmək haqqı proqnozlaşdırılan inflyasiya faizinə uyğun olaraq, artırılacaq.
Proqramın əhatə dövründə 1,3 milyona yaxın yeni iş yerinin yaradılması nəzərdə tutulur. Sənəddə yoxsulluğun azaldılmasına dair tədbirlər, yoxsulların vəziyyətinə görə kateqoriyalaşdırılması, bununla da yoxsulluğun nəsildən- nəslə keçməsinin qarşısının alınması nəzərdə tutulur.
Məqalə miüəllifi ilə əlaqə ünvanı: [email protected]