Azərbaycan, Bakı, 05 iyul / Trend , müxbir U.İsmayılova/ Azərbaycanın İqtisadi İnkişaf Nazirliyi yanında Antiinhisar Xidməti bazarın monitorinqi zamanı müsadirə edilən 70 min ədəd pirat audiovizual disk məhsulunu məhv etməyi planlaşdırır. Bu barədə Antiinhisar Xidmətdən məlumat verilib.
Bu saxta məhsullara bir neçə filmin yazıldığı DVD disklər, mənşəyi məlum olmayan məhsullar, həmçinin Azərbaycan Mədəniyyət və Turizm Nazirliyinin qeydiyyatından keçməyən məhsullar daxildir.
Antiinhisar Xidmətdən bildiriblər ki, audiovizul məhsullar bazarının monitorinqi davam edir.
Antiinhisar Xidmət lisenziyasız proqram təminatı daşıyıcılarının, saxta, qalarqamsız kino və cizgi filmlərinin, musiqi əsərlərinin satışı və istehsalını aradan qaldırmaq məqsədi ilə monitorinq aparır.
Məqalə müəllifi ilə əlaqə ünvanı: [email protected]