Azərbaycan, Bakı, 08 iyul / Trend , müxbir İ.Xəlilova/ Azərbaycanın İxrac və İnvestisiyaların Təşviqi Fondu (AZPROMO) 2008 -ci ildə Rusiyanın cənub federal dairəsində nümayəndəliyin açılmasını məqsədəuyğun hesab etmir. Bu barədə AZPROMO-nun İxracın Təşviqi Departamentinin direktoru Emil Əliyev bildirib. Onun sözlərinə görə, bu gün Türkmənistanda ofisin açılması Fond üçün daha çox prioritet məsələdir.
Rusiya nümayəndəliyi ilə bağlı yubanma, ilk növbədə, Soçidə torpaq sahələri üzrə əməliyyatların aparılmasına qadağanın tətbiq edilməsi ilə əlaqədardır. Buna baxmayaraq, Fond daha iki variantı - Krasnodar və ya Rostov variantlarını nəzərdən keçirir. RF-nın cənub federal dairəsində nümayəndəliyin açılması Azərbaycan şirkətlərinin Rusiyada nə dərəcədə maraqlı olmalarından asılı olacaq.
Nümayəndəliyin açılması ilə bağlı planlar dəyişsə də, AZPROMO bu il ərzində cənub federal dairəsində tədbirə hazırlaşır. Əliyevin rəyinə görə, Azərbaycan şirkətləri xidmət sahəsində təmsil oluna bilər, ümumilikdə isə, Rusiya ərazisində qida sənayesi, toxuculuq bazarlarına maraq nümayiş etdirilir.
Rusiyanın cənub dairəsinin seçilməsi Azərbaycan ixracatçılarının yaxın regionlarla bağlı ambisiyaları ilə əlaqədardır. AZPROMO, hələ ki Azərbaycan qonşu ölkələrin potensiallarından istifadə etmir, lakin bu şəbəkənin inkişafına başlamaq niyyətindədir.
AZPROMO -nun ilk nümayəndəliyi 2007-ci ildə Qərbi Qazaxıstanda (Aktau) açılıb.
İyulun 8-nə olan rəsmi məzənnə 0,809 AZN/USD təşkil edir.
Məqalə müəllifi ilə əlaqə ünvanı: [email protected]
