Azərbaycan, Bakı, 06 avqust/ Trend Cap müxbir İ.Xəlilova/ Azərbaycan hökuməti kiçik və orta sahibkarlığın dəstəklənməsinə Almaniyanın inkişaf və yenidənqurma bankı KfW-dən 5 mln. avro məbləğində üçüncü güzəştli krediti almağa tələsmir. Maliyyə əməkdaşlığı barədə Azərbaycan və Almaniya arasında imzalanan sazişdə bu kredit də əksini tapsa da, onun alınması məsələsi 2008 - ci ilin sonunda Azərbaycan-Almaniya hökumətlərarası danışıqlarda müzakirə olunacaq. Bu barədə çərşənbə günü KfW-in Bakı ofisinin rəhbəri Natiq Abdullayev məlumat verib.
İlkin olaraq bu vəsaitlərin əvvəlki iki kredit kimi Alman-Azərbaycan Fondu (AAF) vasitəsilə paylaşdırmaq nəzərdə tutulub. Lakin iqtisadi inkişaf naziri Heydər Babayev bu vəsaitlərin Sahibkarlığın Dəstəklənməsi Milli Fonduna (SDMF) yönəltmək imkanını nəzərdən keçirməyi təklif edib. AAF vasitəsilə 8 banka kredit ayrıldığı halda, SDMF 29 səlahiyyətli bank strukturuna malikdir.
KfW kreditlə yanaşı, AAF-Beynəlxalq Əməkdaşlıq üzrə Əmanət Kassaları Fondu (SBFİC) menecerinin xidmət haqqının ödənilməsinə əlavə olaraq 1 mln. avro məbləğində qrant ayıracaq.
KfW əvvəlcə sahibkarlığın inkişafı üçün Azərbaycana 20 mln. avro birləşdirilmiş kredit təklif edib. Bu vəsaitin 5 mln. avrosu, əvvəl olduğu kimi. bankın öz vəsaitlərindən, yüngül şərtlərlə - 10 il güzəştli dövr olmaqla, 40 il müddətinə və illik 0,75 faiz dərəcəsi ilə nəzərdə tutulub. KfW vəsaitin qalan hissəsini (15 mln. avro) kapital bazarından götürməlidir və bununla əlaqədar o, kommersiya şərtləri ilə olacaq. Azərbaycan hökuməti kreditin kommersiya hissəsindən imtina edib.
Alman bankı 1999 - cu ildən AAF-a iki tranşla 8,7 mln. avro təqdim edib. Bu vəsait artıq mənimsənilib və hazırda banklar revolver hissədən maliyyələşdirilir. Bu vəsaitləri, KfW-in növbəti krediti və Fondun fəaliyyətə başladığı vaxtdan 2007-ci il oktyabrın 1-dək qazandığı vəsaitləri nəzərə almaqla, AAF-in sərəncamında 15,5 mln. avro vəsait olacaq.
2001- ci ilin martından AAF-ın tərədaşları Bank of Baku və Unibank, 2003 - cü ilin yanvarından Parabank və bank "Respublika", 2004-cü ilin sentyabrından Azerdemiryolbank və Azerigazbank, 2006-cı ilin dekabrından isə Rabitəbank və Muğanbank-dır.
Cari mübadilə məzənnəsi -- 0,8093 AZN/USD.
Müəlliflə əlaqə saxlamaq üçün elektron ünvan: [email protected]