Azərbaycan, Bakı, 25 avqust/ Trend Cap , müxbir İ.Xəlilova/United Credit Bank (UCB) 2009 - cu ildən Bankın səhmdar kapitalına potensial sərmayədarların cəlb edilməsi üzrə işləri canlandırmağı planlaşdırır,- bazar ertəsi Bankın İdarə Heyətinin sədr müavini Vahid Əliyev bildirib.
"Yay mövsümü ilə əlaqədar bu proses dayandırılıb", - o vurğulayıb.
Bankın planlarına beynəlxalq maliyyə institutlarının səhmdarlığa cəlb edilməsi daxildir. Hazırda UCB- də xarici kapitalın iştirakı 8,24 faizə bərabərdir və fiziki şəxs Əli Marayevə məxsusdur. Qalan hissə United Business Company (88,79 faiz) və Adil Hüseynov (2,97 faiz) arasında paylanıb.
Bankın 2008-2010 - cu illərdə inkişaf strategiyasına əsasən, ilkin olaraq UCB-nin kapitalında xarici sərmayədarların payını 10 faizədək artırmaq planlaşdırılır. Lakin gələcəkdə onun 3 faizədək azalacağı göstərilib. Xarici sərmayədarların siyahısı genişləndirilərkən, hazırki səhmdarların məcmu kapitalındakı payını ən azı 60 faiz səviyyəsində saxlamaq planlaşdırılır. Müvafiq olaraq, xarici səhmdarların iştirakı 3 faizdən az olmayacaq. Bu o deməkdir ki, xarici səhmdarların cəlb edilməsinin məqsədi kapitalın restrukturlaşdırılması deyil, artırılması olacaq.
Əliyevin sözlərinə görə, cari ildə əsas diqqət UCB-nin kapitalının artırılmasına yönəldiləcək. Səhmdar kapitalı hazırki 12,108 mln. manatdan 22,108 mln. manatadək artırmaq planlaşdırılır. 2009-cu ildən kapitalın 28 mln. manat, 2010-cu ildə isə 35 mln. manatadək çatdırılacağı gözlənilir.
2008 - ci ildə balans kapitalını ötən ilin yekunları üzrə qeydə alınan 13,798 mln. manatdan 27,597 mln. manata, 2009 - cu ildən 31,014 mln. manata, 2010 - cu ildən 39,517 mln. manatadək artırmaq proqnozlaşdırılır.
UCB 1996 - cı il aprelin 30 - da təsis edilib.
Avqustun 25 - nə olan cari məzənnə --0,814 AZN/USD.
Müəlliflə əlaqə saxlamaq üçün elektron ünvan: cap
