Azərbaycan, Bakı, 26 avqust / Trend , müxbir İ.Xəlilova/ Azərbaycan Əmlakın İdarə Olunması üzrə Dövlət Komitəsi aqrar, yüngül sənaye, ixracyönlü müəssisələrin özəlləşdirmədən sonra fəaliyyətlərinə yardım göstərilməsi üçün məsləhətçilər cəlb edib. Bu barədə çərşənbə axşamı Dövlət Komitəsindən bildiriblər.
Kənd təsərrüfatı məhsullarının emalı sahəsində özəlləşdirilmiş müəssisələrə "Finre Consalting" MMC xidmət göstərəcək. Tikiş və iplik müəssisələrinə məsləhət xidməti "Azerxususisenayeinvest" QSC tərəfindən təklif olunacaq. İstehsal olunan məhsulların ixrac potensialı və rəqabət qabiliyyətinin qaldırılmasına "Region Consalt" MMC-nin ekspertləri yardım göstərəcək. Müəssisələrin sərmayələrin cəlb edilməsi vasitəsilə maliyyə potensialının qaldırılmasına "Sinergetika" Məhdud Məsuliyyətli Cəmiyyətin mütəxəssisləri dəstək göstərəcəklər.
Dövlət Komitəsi artıq bu şirkətlərlə müvafiq müqavilə bağlayıb.
Əmlakın İdarə Olunması üzrə Dövlət Komitəsindən bildiriblər ki, bu tədbirlərin həyata keçirilməsində əsas məqsəd özəlləşdirilmiş müəssisələrdə, neft sektoru müəssisələrində sərmayələrin artırılması, iqtisadi inkişaf tempinin qaldırılması, yeni iş yerlərinin yaradılması və ən əsası, əhali gəlirlərinin artırılması vasitəsilə yoxsulluq səviyyəsinin azaldılmasından ibarədir.
Avqustun 20 - nə rəsmi məzənnə 0,8141 AZN/USD təşkil edir.
Məqalə müəllifi ilə əlaqə ünvanı: [email protected]
