...

Azərbaycanda özəlləşdirmədənöncə sağlamlaşdırma üçün iki maşınqayırma müəssisəsinə üstünlük verilib

Biznes və iqtisadiyyat xəbərləri Materials 10 Sentyabr 2008 15:31

Trend-i buradan izləyin

Azərbaycan, Bakı, 10 sentyabr / Trend , müxbir İ.Xəlilova/ "Dövlət Əmlakının İdarə edilməsi üzrə Dövlət Komitəsi (DƏİDK) özəlləşdirmədənöncə sağlamlaşdırma üçün maşınqayırma kompleksi sahəsində iki müəssisə seçib", - Dövlət Komitəsinin sədr müavini Rüstəm Şahbazov çərşənbə günü bildirib. Bunlar "Azerboru" və Bakı elektriktökmə zavodu səhmdar cəmiyyətləridir.

"Azərboru" ixracyönlü məhsul istehsal etdiyi üçün, ona dəstək lazımdır. Bakı zavodu isə metro üçün turniketlər istehsal edir.

Şahbazovun sözlərinə görə, bu müəssisələrin sağlamalaşdırılması dövlət vəsaitləri və ya borc götürülmüş vəsaitlər hesabına həyata keçiriləcək. Dövlət Komitəsi dövlət müəssisələrinin özəlləşdirmədənöncə sağlamlaşdırılması və restrukturlaşdırılması üçün xarici vəsaitlərin cəlb edilməsi ilə bağlı yardım göstərməyə hazırdır.

DƏİDK ilin əvvəlində bunun üçün beynəlxalq təşkilatların - Avropa Yenidənqurma və İnkişaf Bankı (AYİB), Alman İnkişaf Bankı KfW, Beynəlxalq Maliyyə Korporasiyası, USAİD, Avropa İttifaqı, Alman Texniki Yardım Cəmiyyəti GTZ, Asiya İnkişaf Bankınmın iştirakı ilə özəlləşdirilən müəssisələrlə görüş keçirilib.

Onların problemləri ilk dəfə 2006-cı ildə, dövlət əmlakının idarəsi və qorunması üzrə dövlət proqramının təsdiqindən sonra müzakirə edilsə də, beynəlxalq maliyyə institutlarının iştirakı ilə "dəyirmi masanın" keçirilməsi müəssisələr üçün avantaj yarada bilər və xüsusilə də ötən iclasda AYİB tərəfdən belə maraq ifadə edilib.

Bu tədbirlər prezidentin 2006-cı il 6 iyun tarixli "Dövlət müəssisələrinin özəlləşdirmədənöncə sağlamlaşdırılması və restrukturlaşdırılması qaydaları haqqında" fərmanı çərçivəsində aparılır.

2008-ci ildə dövlət müəssisələrinin özəlləşdirilməsi ilə bağlı bir sıra tədbirlər üçün dövlət büdcəsindən 12,5 mln. manat ayrılıb.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti