Azərbaycan, Bakı, 12 sentyabr / Trend , müxbir S.Babayeva/ Azərbaycanın Əmək və Əhalinin Sosial Müdafiəsi Nazirliyi (ƏƏSMN) cümə günü ölkənin üç bölgəsində əmək yarmarkası təşkil edib.
ƏƏSMN-nın Baş Məşğulluq İdarəsindən cümə günü verilən məlumata görə, Beyləqan, Zərdab və Yevlaxda keçirilən yarmarkalar nəticəsində 315 nəfər işlə təmin olunub.
"Yarmarkalarda 921 vakant yer ilə 113 müəssisə iştirak edib", - deyə nazirlikdən bildiriblər.
Ümumilikdə bu günədək 1699 müəssisənin iştirakı ilə ölkənin 44 rayonunda yarmarka keçirilib, yekunda 4538 nəfər işlə təmin olunub.
Növbəti yarmarka setyabrın 18-də Ağcəbədidə keçiriləcək.
2007-ci ildə ƏƏSMN Azərbaycanın 55 bölgəsində 57 yarmarka keçirib. Yekunda 9056 nəfər iş ilə təmin olunub.
Məqalə müəllifi ilə əlaqə ünvanı - Capital