Azərbaycan, Bakı, 18 sentyabr/ Trend Cap , müxbir Ü.İsmayılova/ "2009 - cu ildən Azərbaycan tamamilə beynəlxalq audit standartlarına keçəcək", - Azərbaycanın Auditorlar Palatasının sədri Vahid Novruzov cümə axşamı şəffaflığın artması və korrupsiya ilə mübarizəyə həsr olunmuş beynəlxalq elmi -təcrübi konfransda bildirib.
"Əlbəttə keçid prosesində bu standartların qavranılmasından başlamış onların tam tətbiqinədək bir sıra problemlər var və onlar prosesi yubadırlar", - o qeyd edib.
Novruzovun sözlərinə görə, buna baxmayaraq, məqsəd müəyyəndir və beynəlxalq audit standartlarının tam tətbiqi üçün işlər sürətlə aparılır.
"2007- ci ildə Azərbaycanda "Daxili audit haqqında" Qanunun qəbul edilməsi MDB və Şərqi Avropa ölkələrinin daxili auditin aparılmasında Azərbaycanın təcrübəsini mənimsəmək istəmələri ilə nəticələnib ki, bu da standartların tətbiqi yolunda müsbət faktdır", - Palata rəhbəri bildirib.
Novruzov Azərbaycanın beynəlxaql maliyyə hesabatlılığı standartlarına (BMHS) keçməsi ilə bağlı bildirib ki, hazırda ölkədə BMHS - ə keçid üzrə fəal iş aparılır, bununla əlaqədar xüsusi komissiya yaradılıb. BMHS - in tətbiqinə Maliyyə Nazirliyi məsuliyyət daşıyır.
"Mühasibat uçotu haqqında" Qanuna müvafiq olaraq, 2007- ci ilin sonunadək kommersiya təşkilatlarında beynəlxalq standartlar əsasında qəbul edilmiş milli mühasibat uçotu standartlarının tətbiqi başa çatmalıydı. Bununla əlaqədar, milli mühasibat standartlarının tətbiqi üzrə Dövlət Proqramında 2005 -2008 - ci illər ərzində standartların növbəli tətbiqi göstərilir. Kiçik və orta müəssisələr bu prosesi 2006 - cı il yanvarın 1- dək; büdcə və qeyri - hökumət təşkilatları - cari ilin sonunadək baça çatdırmalıydılar. Bələdiyyələr, büdcə təşkilatları, dövlət fondları üçün son tarix 2009 - cu il yanvarın 1-i təyin edilib.
Sentyabrın 18 - nə olan cari mübadilə məzənnəsi -- 0,8126 AZN/USD.
Müəlliflə əlaqə saxlamaq üçün elektron ünvan: [email protected]