Azərbaycan, Bakı, 25 sentyabr/ Trend , müxbir İ.Xəlilova/ Avropa Komissiyası Azərbaycan İqtisadi İnkişaf Nazirliyinin institusional inkişafı üçün məsləhətçini müəyyən edib. Bu barədə cümə axşamı Avropa İttifaqının Azərbaycana texniki yardım proqramının (Tacis) koordinasiya bürosunun icraçı direktoru Rüfət Məmmədov bildirib.
Konsorsiumun adı oktyabrın əvvəllərinə nəzərdə tutulan müqavilənin imzalanmasından sonra açıqlanacaq.
"Şort-list"ə səkkiz konsorsium daxil idi:
1. SOFRECO (FR)
2. GFA CONSULTING GROUP (DE) - S.I.C.I DOMINUS (ES), PMI GROUP (IE)
3. GDSI LTD (IE) - ECORYS (NL)
4. INCOM (GR) - DMI (FR), EUROPEAN PRO. (GR), INFORMEST (IT).
5. GTZ GMBH (DE) - IKADA (TU), BIIR GROUP (AZ)
6. HELM (UK) - EURECNA (IT), OPM (UK)
7. EUROCONSULTANTS (GR) - IDI (IE), EOMMEX (GR)
8. POHL CONSULT ASSOCIATES GMBH (DE) - TDI (IE), SOGETI (LU), FCG (FI).
Layihə çərçivəsində potensialın inkişafı, insan resurslarının idarə olunması və regional inkişafa texniki yardım göstəriləcək. Məsləhət xidmətləri iki il üçün nəzərdə tutulacaq. Layihənin dəyəri 3 mln. avro qiymətləndirilir.
Bu layihə Tacis - in 2006 - cı il 15 iyun tarixində Avropa Komissiyası tərəfindən təsdiq olunan 2006 - cı maliyyə ilində Azərbaycan üzrə milli fəaliyyət planına daxildir. Lakin Azərbaycan hökuməti ilə bu layihə üzrə maliyyə memorandumu ötən il imzalanıb.
Plana həmçinin tvininq - proqramlar (6,5 mln. avro), investisiyalar və ixraca dəstək layihəsinin (3 mln. avro) hazırlanması və 3 mln. avroluq büdcə ilə Aİ və Azərbaycan arasında tərəfdaşlıq və əməkdaşlıq müqaviləsinin reallaşdırılması daxildir.
Məqalə müəllifi ilə əlaqə ünvanı - [email protected]