...

SOCAR maddi dəyərlərin satışı və uçotu sahəsində standartların tətbiqini başa çatdırır

Biznes və iqtisadiyyat xəbərləri Materials 26 Sentyabr 2008 14:42

Trend-i buradan izləyin

Azərbaycan, Bakı, 26 sentyabr / Trend , müxbir Ü.İsmayılova/ "SOCAR (Azərbaycan Dövlət Neft Şirkəti) korporativ və dövlət sektorunda mühasibatın təkmilləşdirilməsinə dair (CAP/SAP) layihəsi çərçivəsində yeni uçot siyasəti və beynəlxalq maliyyə hesabatlılığı standartlarının (İFRS) tətbiqini davam etdirir", - SOCAR-ın iqtisadi məsələlər üzrə vitse-prezidenti Süleyman Qasımov cümə günü Bakıda keçirilən Mühasib və Auditorların II Avrasiya Forumunda bildirib.

"İlin əvvəlindən SOCAR-da İFRS çərçivəsində uçot siyasəti aparılır, artıq SAP HR (insan resursları) standartları tətbiq edilib və 2009-cu ildə maddi dəyərlərin satışı, tədarükü və uçotu sahəsində SAP standartı tətbiq ediləcək", - Qasımov qeyd edib.

Onun sözlərinə görə, artıq SOCAR-da vahid məlumat bazası və daxili auditin müstəqil daxili sistemi yaradılıb.

"SOCAR-ın daxili audit departamenti 2008-ci ildən potensial risklərin idarəsi və aşkar edilməsi üzrə özünün işçi planını hazırlayıb", - şirkətin vitse-prezidenti vurğulayıb.

"Mühasibat uçotu haqqında" Qanuna müvafiq olaraq, 2007-ci ilin sonunadək kommersiya təşkilatlarında beynəlxalq standartlar əsasında qəbul edilən milli mühasibat uçotu standartlarının tətbiqi başa çatmalıydı. Bununla əlaqədar, Milli Standartların Tətbiqi üzrə Dövlət Proqramında 2005-2008-ci illərdə standartların növbəli tətbiqi göstərilir. Kiçik və orta müəssisələr üçün 2006-cı il yanvarın 1-dək, büdcə və qeyri hökumət təşkilatları üçün 2008-ci ilin sonunadək, bələdiyyələr, büdcə təşkilatları və dövlət fondlar üçün isə 2009-cu il yanvarın 1-dək vaxt ayrılıb.

İFRS-ə keçidə başlayan təşkilatlar arasında ən yaxşı nəticələr Azercell, SOCAR, Azerenerji və Azeriqaz-da qeyd edilir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti