Azərbaycan, Bakı, 27 sentyabr / Trend , müxbir Ü.İsmayılova/ Maliyyə böhranı və Azərbaycan bankları tərəfindən istehlak kreditlərinin verilməsinin dayandırılması ölkənin sığorta bazarının artım tempinin 19 faiz azaldılmasına gətirib çıxaracaq, - şənbə günü Azərbaycan Sığortaçılar Assosiasiyasının İdarə Heyətinin sədri, MBASK sığorta şirkətinin rəhbəri Cəmil Məlikov deyib.
"İstehlak kreditindəki məhdudiyyətlər sığorta şirkətlərinin biznes həcminin beş faiz azlmasına da gətirib çıxaracaq", - Məlikov bildirib.
Azərbaycanda ipoteka kreditləşməsinin tempi də azalıb, hətta bəzi banklar uzunmüddətli borclar cəlb edilənədək bu istiqamətdə əməliyyatları dayandırıblar. Lakin Azərbaycan bankları Azərbaycan Milli Bankından kreditin dayandırılması ilə bağlı rəsmi bildiriş almayıblar. Banklar tərəfindən kreditləşmə templərinin azalması ilk növbədə dünya maliyyə bazarlarındakı böhranla izah edilir. Belə vəziyyət bankları daha diqqətli olmağa və müştəri bazasının formalaşdırılmasında daha ciddi seçim etməyə məcbur edir ki, bu da korporativ idarəetmə sisteminin bir hissəsini təşkil edir.
Məlikovun sözlərinə görə, bank bazarında belə vəziyyət ölkənin sığorta bazarına mənfi təsir göstərir, belə ki, Azərbaycan sığorta şirkətlərinin 50 faizinin işi bilavasitə bankların fəaliyyəti ilə bağlıdır.
"Ölkədə sığorta biznesinin həcminin azalması sığorta xidmətləri tariflərinin orta hesabla 25-lik artımına səbəb olacaq", - assosiasiya rəhbəri qeyd edib.
Sığorta Şirkətləri Assosiasiyası 2006-cı ilin dekabrında təsis edilib və onun tərkibinə ölkənin sığorta bazarında fəaliyyət göstərə 30 şirkətin hamısı daxildir.
1992-ci ildən Azərbaycanın sığorta bazarında fəaliyyət göstərən MBASK 29 növ sığorta xidməti göstərir. Onlardan dördü icbaridir. Şirkətin Nizamnamə kapitalı 2 mln. manatdır. 2005-ci ilin yanvarından MBASK-ın səhmlərinin 30 faizi Avropa Yenidənqurma və İnkişaf Bankına məxsusdur.
