Azərbaycan, Bakı, 27 sentyabr / Trend , müxbir I.Xəlilova/ Avqustda Azərbaycan banklarının depozit bazası 0,96 faiz artıb, yanvar-avqustda isə, 2007 - ci ilin analoji dövrü ilə müqayisədə, bu göstəricinin artımı 51,1 faiz olub. Bu barədə şənbə günü Azərbaycan Milli Bankından məlumat veriblər. Səkkiz ay ərzində bank depozitlərinin ümumi həcmi 28,4 faiz artıb.
AMB - nin məlumatlarına əsasən, sentyabrın 1-nə hüquqi və fiziki şəxslərin bank depozitləri və əmanətlərinin ümumi həcmi 4088,0 mln. manat təşkil edib. Bu, yanvarın 1- də 3183,7 mln. manat, 2007- ci il sentyabrın 1- də isə, 2706,2 mln. manat olub. Bu həcmdən 1816,5 mln. manat vəsaitlərinə, qalan hissəsi isə, valyutanın payına düşüb. Avqust ərzində manat depozitlərinin həcmi 5,4 faiz artıb.
Ötən ay ərzində fiziki şəxslərin əmanətləri 3,4 faiz artıb, hüquqi şəxslərin depozit həcmi 0,92 faiz azalıb. Il ərzində fərdi müştərilərin depozitlərinin artımı 52,2 faiz, korporativ müştərilərin depozitlərinn artımı isə 50,2 faiz təşkil edib.
Sentyabrın 1- nə fiziki şəxslərin ölkənin banklarında olan əmanətlərinin həcmi yanvarın 1-nə olan 1 468,4 mln. , 2007 - ci il sentyabrın 1- nə olan 1200 mln. manatdan 1826,2 mln. manatadək artıb. Sentyabrın 1-nə hüquqi şəxslərin depozit həcmi 2261,8 mln. manat təşkil edib. Bu göstərici yanvarın 1 - də və 2007- ci il sentyabrın 1 - də müvafiq olaraq, 1715,3 mln. manat və 1506,3 mln. manat təşkil edib.
Sentyabrın 27 - nə olan cari mübadilə məzənnəsi -- 0,807 AZN/USD.
Müəlliflə əlaqə saxlamaq üçün elektron ünvan: [email protected]
