Azərbaycan, Bakı, 03 oktyabr/ Trend , müxbir İ.Xəlilova/ "Azərbaycan Milli Bankı (AMB) avqustun sonunda "National Bank of Pakistan"nın Bakı filialının fəaliyyətinə tətbiq edilən məhdudiyyəti aradan qaldırıb", -deyə cümə günü Bankın baş meneceri Sohail Əhməd (Sohail Ahmad) bildirib.
AMB "Banklar barədə" Qanunun 47, 48 -ci maddələri üzrə nəzərdə tutulan tədbirlər çərçivəsində, əmanətlərin qəbuluna məhdudiyyət tətbiq edib. Bu, bankın strukturu və veb-saytınının işində gecikmələr ilə bağlı olub. Bütün bu problemlər aradan qaldırılıb ki, bu da əmanətlərin cəlb edilməsi üzrə lisenziya fəaliyyətinin bərpasına əsas olub.
Bu gün "NBP Bank"ın Bakı filialında əhali əmanətləri 600 min manat, ümumi depozit portfeli isə 2 mln.dollar təşkil edir. Bank Azərbaycan Əmanətlərin Sığortalanması Fondunun üzvüdür və bu qrum "NBP Bank" filialı əmanətlərinin ümumi həcmindən 187 min manatına zəmanət verir.
Sohailin sözlərinə görə, "NBP Bank" baş ofisinin Bakı filialı plan üzrə ilin sonunadək depozit portfeli 2,5 mln. dollaradək artırılacaq.
Bu gün Azərbaycanda 45 bank fəaliyyət göstərir. Onlardan yeddisi üzrə əmanətlərin qəbuluna məhdudiyyət qoyulub. Buna görə onlar Əmanətlərin Sığortalanması Fonduna üzv ola bilməz.
"NBP Bank"ın Bakı filialı 2005 - ci ilin iyulundan fəaliyyət göstərir.
"National Bank of Pakistan" 1949- cu ildə təsis edilib. O, Pakistan hökumətinin 75 faizlik iştirak payı ilə yaradılıb. "NBP Bank" 17 xarici filiala malikdir.
Oktyabrın 3-nə olan cari məzənnə 0,8096 AZN/USD.
Məqalə müəllifi ilə əlaqə ünvanı - [email protected]
