Azərbaycan, Bakı, 03 oktyabr/ Trend , müxbir Ü.İsmayılova/ Azərbaycanın Milli Depozitar Mərkəzi sentyabrda qiymətli kağızların saxlanılması və səhmdar cəmiyyətlərin səhmdarlarının reyestrinin aparılmasına dair 14 müqavilə bağlayıb,- Mərkəzin cümə günü yayılan məlumatında bildirilir.
Bu dövr ərzində nominal dəyəri 16,3 mln. manat olan 7,3 mln. səhm üzrə 587 alqı -satqı müqaviləsi, nominal dəyəri 73,3 min manat olan 9 mindən bir qədər çox istiqraz üzrə beş alqı - satqı müqaviləsi qeydiyyata alınıb.
MDM - bilavasitə depozitаr fəaliyyətlə məşğul olan, depozitаr sistemə daxil olan depozitarların qeydiyyatını aparan və onların fəaliyyətinə nəzarət edən milli depozitаr sistemin tərkib hissəsi olan dövlət təşkilatıdır.
Müəlliflə əlaqə saxlamaq üçün elektron ünvan: [email protected]
