Azərbaycan, Bakı, 10 oktyabr/ Trend , müxbir İ.Xəlilova/ їBeynəlxalq Maliyyə Korpoarsiyası (BMK) Azərbaycan üçün biznesin lisenziyalaşdırılması sahəsində islahatların aparılması strategiyasını hazırlamağı planlaşdırırї, - Azərbaycanda biznes - iqlimin təkmilləşdirilməsi layihəsinin rəhbəri Boris Vivyak cümə günü bildirib.
Onun sözlərinə görə, hazırda icazələrin və lisenziyaların vahid siyahıya alinması üzrə İqtisadi İnkişaf Nazirliyi ilə fəal iş aparılır; layihənin əsas məqsədi icazələr reyestrinin yaradılması və icazələrin verilməsi prosedurunun sadələşdirilməsidir.
Bu tədbirlər çərçivəsində, lisenziyaların verilməsi və geri çağırılmasının ümumi qaydalarının hazırlanması nəzərdə tutulur.
їBu, çox zəhmət tələb edən işdir. Azərbaycanda mövcud olan lisenziyaların siyahısının tərtib edilməsinə təxminən 1 il vaxt lazımdır. Dövət qurumları buna maraq göstərərsə, siyahını daha qısa müddətə tərtib etmək olarї, - Vivyak bildirib. 2009 - cu ilin sonunadək vahid icazələr reyestrini təşkil etmək məqsədilə, bu məlumatların yığılmasını həmin ilin ortalarınada başa çatdırmaq planlaşdırılır.
İcazələr siyahısının alınması üçün 30 dövlət orqanı ilə iş aparılır. Onların istifadə etdiyi icazələr siyahısını müəyyən etmək məqsədilə, gələn ilin əvvəlində regionlarda müəssisələrin rəhbərliyi, biznes - dairənin müəssisələrinin 30 - dək rəhbəri və nümayəndələri ilə görüş keçirmək planlaşdırılır.
İcazə və sanksiyaların alınmasının tələb olunduğu sahələri konkretləşdirmək üçün, məsələn, restoran biznesi sahəsində və digər sahələrdə işləyən şirkətlər üçün tematik seminarlar keçirmək planlaşdırılır.
їBizim mövqeyimiz belədir ї icazələrin alınması üçün qurumların sayını məhdudlaşdırmaqї, - Vivyak bildirib. Təcrübə göstərir ki, icazələr yalnız ekoloji risk və sağlamlığa təhlükənin mövcud olduğu sahələrdə, dövlətin təhlükəsizliyi və təbii sərvətlərdən istifadə üçün tələb olunur. Qalan bütün sahələr lisenziyalaşdırmanı tələb etmir. Dünya təcrübəsinə əsasən, lisenziyalar müddətsiz dövrə verilir, icazələrin qüvvədə olduğu dövr məhduddur.
Onun rəyinə görə, auditor fəaliyyətini də lisenziyalaşdırmaq lazım deyil. Belə qaydanın olduğu halda müddətsiz lisenziya vermək lazımdır. Vivyak hesab edir ki, böyük lisenziyalaşdırma siyahısı və icazə sistemi bütün inkişafda olan ölkələrə xasdır və bu, əvvəlki rejimin irsidir. Hazırda Azərbaycanda lisenziyanın tələb olunduğu 50 -dən çox fəaliyyət növü var.
