Gürcüstan, Tbilisi, 13 oktyabr/ Trend , müxbir N.Kirtsxaliya/ Dünyanın maliyyə böhranı fonunda özəl sərmayədarlar ilə görüşlərin keçirilməsi mühümdür. Bu barədə Gürcüstanın Baş naziri Vladimir Qurgenidze Nyu -Yorkda "JP Morgan" sərmayədarları konfransı çərçivəsində görüşlərdən sonra bildirib.
"Biz başa düşürük ki, iqtisadi böhran ilə əlaqədar sərmayə axını bu ilki və ötən ilki kimi böyük olmayacaq, lakin yenə də, bu istiqamətdə işləmək laşımdır", - deyə o bildirib.
Baş nazir bildirib ki, Gürcüstanda cari ilin ötən dövründə 1,7 mlrd. ABŞ dolları yatırılıb ki, bu da, demək olar ki, ötən ilin göstəricisinə barəbərdir.
Görüşdə Gürcüstana artıq öz pulunu yatırmış 150 sərmayədar, həmçinin, potensial sərmayədarlar iştirak edib.
Forum təşkilatçılarının bildirdiyinə görə, arzulayanlar Gürcüstanın sərmayə imkanları barədə tam informasiya əldə etdilər və indi onlar gələn il Gürcüstan bazarına daxil olub - olmamaq barədə qərar verməlidirlər.
Məqalə müəllifi ilə əlaqə ünvanı: [email protected]
