Azərbaycan, Bakı, 13 oktyabr/ Trend , müxbir N.Abdullayeva/ Almaniyanın Şimali Reyn -Vestfaliya torpağının yeddi müəssisəsinin, Dortmund Ticarət - Sənaye Palatasının nümayəndələri oktyabrın 20 ї 24 - də Azərbaycanda səfərdə olacaqlar,- bazar ertəsi Almaniyanın Bakıdakı səfirliyindən bildiriblər.
Səfərin məqsədi Azərbaycan və Şimali Reyn - Vestfaliya torpağı arasında iqtisadi əlaqələrin intensivləşdirilməsidir.
Nümayəndə heyətinin üzvləri respublikanın iqtisadi inkişaf və yanacaq və energetika nazirliklərində görüşlər keçirəcəklər. Əməkdaşılıq imkanlarının müəyyən edilməsi məqsədilə azərbaycanlı sahibkarlarla da görüş planlaşdırılır.
Nümayəndə heyəti tikinti, tikinti maşınları sahələrində çalışan tikinti şirkətlərinin, qida məhsulları (o cümlədən qida bitki yağı), elektrik enerjisi və isitmə, elektromühərriklər (onların təmiri də daxil olmaqla) şirkətlərinin rəhbərlərindən ibarətdir.
Şimali Reyn - Vestfaliya AFR-in iqtisadi baxımdan ən inkişaf etmiş torpağıdır. Onun ÜDM-i 529,42 mlrd. avro təşkil edir (2007-ci ilin məlumatları).
Şimali Reyn - Vestfaliya Azərbaycanda aşağıdakı müəssisələrlə təmsil olunub: RWE AG, EON AG, Vogelsang GmbH, Wilo AG, Facet GmbH, Bentec GmbH, Wirtgen GmbH.
Səfər Dortmundun Ticarət - Sənaye Palatası və Alman ї Azərbaycan İqtisadi Yardım Forumu (DAWF) tərəfindən təşkil edilir. Bu təşkilatlar Şimali Reyn-Vestfaliya və Azərbaycan arasında iqtisadi münasibətlərin inkiaşfı çərçivəsində əməkdaşlıq edirlər.
Dortmundun Ticarət - Sənaye Palatasına sənaye, ticarət və xidmətlər sahəsində 55 min müəssisə daxildir. DAWF AFR - in Bakıdakı səfirliyi ilə birgə alman iqtisadiyyatının maraqlarını təmsil edir və 90 üzvü var.
Müəlliflə əlaqə saxlamaq üçün elektron ünvan: [email protected]