Azərbaycan, Bakı, 18 oktyabr/ Trend , müxbir N.İsmayılova/Azərbaycanın bəzi bankları payızın əvvəlində dayandırılmış istehlak kreditləşməsini bərpa edib.
Şənbə günü Bank of Baku-dan bildiriblər ki, bank indi yalnız istehlak kreditlərini verir, pul kreditləşməsi hələ ki, bərpa edilməyib.
" Kapital Bank oktyabrın əvvəlindən istehlak kreditlərini verməyə başalyıb", - bu həftə mətbut üçün brifinqdə bankın İdarə Heyətinin sədri Rauf Rzayev deyib.
UniBank istehlak kreditlərini verməkdə davam edir. "Lakin bankın kredit siyasəti daha seçimli olub", - şənbə günü UniBank-dan bildiriblər. Bank yalnız təmiz kredit tarixinə və zəmanətli ödəyicilik qabiliyyətinə malik müştərilərə kredit verir.
Bank Standard-dan qeyd ediblər ki, bank kreditləri verəndə seçim siyasətinə meyl göstərir. Üstünlük Bank Standard-ın kredit kartı və yüksək əməkhaqqı olan müştərilərə verilir. Lakin istehlak kreditləşməsinin tam bərapası yalnız gələn il mümkün olacaq.
AzeriGazBank-dan vurğulayıblar ki, bank "demək olar ki, xırda kreditlərin verilməsini dayandırmayıb"və indi əvvəlki rejimdə işi davam etdirir. İri məbləğli kreditləşmənin bərpası ilə bağlı suala bankadan cavab verməkdə çətinlik çəkiblər.
İstehlak bazarında məişət və orqtexnika ilə alver edən iri mağazaların çoxundan bildiriblər ki, malları kreditə götürmək daha çox Bank of Baku vasitəsilə mümkündür.
Bankların bəzilərindən itirahət günü olduğuna görə şərh almaq mümkün olmayıb.
Oktyabrın 18-nə rəsmi məzənnə 0,8092 AZN/USD-dır.