Azərbaycan, Bakı, 24 oktyabr/ Trend , müxbir İ.Xəlilova/ Dünya maliyyə böhranı şəraitində Rusiya Vneştorqbankının (VTB) başlıca vəzifəsi iqtisadiyyatın real sektorunun kreditləşdirilməsinin təminidir və bu gün Vneşekonombank-dan subordinasiyaedilmiş kreditin birinci tranşının alınmasını gözləyirik", - VTB İdarə Heyətinin sədri Andrey Kostin cümə günü Bakıda bildirib.
"100 mlrd. rubl məbləğində subordinasiyaedilmiş kreditin birinci hissəsini aldıqdan sonra, RF prezidentinin yanında müzakirə edilən istiqamətlərə uyğun şəkildə, iqtisadiyyata kreditlər ayırmağa başlayacağıq, - Kostin bildirib. Qısamüddətli yerləşdirmədən pul qalarsa, o zaman maliyyə alətləri alacağıq".
Onun rəyinə görə, bu gün Rusiyanın ən iri emitentlərinin istiqrazlarının alınması ən etibarlı yatırımdır.
Vneşekonombank VTB və Rosselxozbanka müvafiq olaraq, 200 və 25 mlrd. rubl subordinasiyedilmiş kredit ayırıb. Kreditlər 2019 - cu ilin sonunadək, illik 8 faiz dərəcə ilə verilib.
Oktyabrın əvvəlində Rusiya prezidenti Dmitri Medvedyev Rusiya banklarına ümumilikdə 950 mlrd. rubl məbləğində uzunmüddətli kreditlərin ayrılması haqqında sərəncam imzalayıb. Bu vəsaitlərin böyük hissəsi (təxminən 725 mlrd. rubl) Sberbank, VTB və Rosselxozbanka çatmalıdır. Bu tədbirlər livkvidlik böhranının aradan qaldırılması üzrə proqramın tərkib hissəsidir.
Rusiyanın bank sistemində dünya maliyyə bazarında kreditləşdirmənin kəskin azalması ilə yaranmış böhran artıq bir neçə kiçik Rusiya bankının böyük banklar tərəfindən udulmasına gətirib. Kredit təsisatlarından əlavə, "LUKoyl" da daxil olmaqla, Rusiyanın bir sıra iri şirkətləri dövlətdən borcların alınmasına maraq göstəriblər.
Müəlliflə əlaqə saxlamaq üçün elektron ünvan: [email protected]