Gürcüstan, Tbilisi, 10 noyabr/ Trend , müxbir N.Kirtsxaliya/ Tbilisi Banklararası Valyuta Birjasında bu günkü hərracların yekunları üzrə larinin dollara nisbətdə mübadilə məzənnəsi əvvəlki hərraclarla müqayisədə, kəskin şəkildə 160 bənd düşüb və 1 USD üçün 1,6500 lari təşkil edib.
Digər valyutaların da qiymətləri qalxıb. Məsələn, Tbilisidə Azərbaycan manatını 2,0431 lariyə almaq olar, lakin bu vaxtadək o, iki lariyə çatmışdı.
Bu gün banklar 77 mln. dollara ehtiyac duyublar, lakin Gürcüstan Milli Bankı cəmi 47 mln. dollar təqdim edə bilib ki, bu da xarici valyuta məzənnələrinin lariyə nisbətdə artmasına gətirib çıxarıb.
Ekspertlər Gürcüstan hakimiyyətinin, Avropa İttifaqından alınan 250 mln. avronu daha baha reallaşdırmaq üçün, larinin məzənnəsini azaltmaq niyyətində olduğunu istisna etmirlər.
Əvvəllər gürcüstanlı ekspertlər bildirirdilər ki, Gürcüstanda dolların bu dərəcədə aşağı məzənnəsi onun həqiqi qiymətinə müvafiq deyil.
Lakin böyük sərmayə həcmləri və xaricdən müxtəlif ödəmə sistemlərindən pul köçürmələri zamanı hakimiyyət dolların məzənnəsini qəsdən endirib və indi onu təcili olaraq realllığa müvafiq şəklə gətirirlər.
Gürcüstanda noyabrın 10 - dan rəsmi olaraq müxtəlif valyutalar üzrə məzənnələr: bir ingilis funt sterlinqinin məzənnəsi 2,5950 lari; avro - 2,1178 lari, rus rublu - 0,0612 lari; Azərbaycan manatı - 2,0431 lari təşkil edir.
Lakin mübadilə məntqələrində rəqəmlər bir qədər başqadır - bir dollara görə, 1,70 lari verirlər, onun satışı isə, 1,75 və 1,8 lariyədir.
Məqalə müəllifi ilə əlaqə ünvanı: [email protected]
