Azərbaycan, Bakı 11 noyabr / Trend müxbir Ü.İsmayılova/ Azərbaycanın turizm və mədəniyyət naziri noyabrın 10-dan 13-dək Londonda keçiriləcək WTM beynəlxalq turizm sərgisində iştirak edəcək. Bunu bazar ertəsi Nazirliyin turizm departamentindən bildiriblər.
Sərgidə Azərbaycanın turizm potensialını Nazirliyin turizm sektorunun rəhbəri Aydın İsmiyev, tədqiqat işləri, statistika və lisenziyalaşdırma üzrə sektor müdiri Mahir Qəhrəmanov və xarici turizm sektorunun başçısı Səbinə Zadayevə təmsil edəcəklər.
Tədbirdə, Azərbaycan mədəniyyətini təbliğ etmək üçün ayrılmış 26,5 kvadrat metr sahədə, milli rəqslər nümayiş etdiriləcək. Xarici şirkətlərlə əməkdaşlıq qurmaq üçün Bakı Tur, Elit Travel, İSR Travel, STİ şirkətləri sərgidə iştirak edəcəklər.
Məqalə müəllifi ilə əlaqə ünvanı: [email protected]
