Azərbaycan, Bakı, 11 noyabr / Trend , müxbir N.İsmayılova/ "Bank Melli Iran 2009 - cu ilin yanvarından Azərbaycanda öz bankomatlarını, POS- terminallarını quraşdırmaq və müştərilərinə plastik kartlar vermək niyyətindədir", - çərşənbə axşamı bank rəhbərinin müavini Anar İbrahimov deyib.
Onun sözlərinə görə, bank artıq prosedur prosesinin başlanması üçün zəruri olan prosedurları həyata keçirib.
"Bakıda müstəqil bank kimi fəaliyyət göstərsək də, biz, eyni zamanda İran bankının filialıyıq və fəaliyyətimiz müəyyən dərəcədə məhduddur. Bu, təbii ki, bankın fəallığına mənfi təsir göstərir" - İbrahimov bildirib.
Bank Melli Iran müştərilərinə MasterCard i Visa-nı dəstəkləyən plastik kartlar təqdim edə bilməyəcək.
"İran banklarının Amerika və Avropa bank ictimaiyyəti ilə münasibətlərini nəzərə alsaq, bu istiqamətdə yetərincə ciddi çətinliklər var", - İbrahimov qeyd edib: "Buna görə də, hədəfimiz lokal kartlarla xidmət göstərməkdir".
Bakıda Bank Melli Iran yalnız bir filialla təmsil olunur, amma bütün dünyada onun geniş filial şəbəkəsi mövcuddur.
2008 - ci il oktyabrın sonlarınadək bankın aktivləri - 18,51 milyon manat, Nizamnamə kapitalı - 10 milyon, ümumi kapital - 11,28 milyon, bankın kredit portfeli - 6,37 milyon, depozit portfeli - 2,36 manat təşkil edib. Bu ilin on ayı ərzində bankın gəliri 1,15 milyon manat olub.
Noyabrın 11 - nə olan rəsmi məzənnə -- 0,8085AZN/USD.
Məqalə müəllifilə əlaqə ünvanı: [email protected]
