Azərbaycan, Bakı, 14 noyabr / Trend müxbir S.Babayeva/ 2008 - ci ilin Azərbaycanda quş qripi thlükəsilə bağlı ilk payız monitorinqi ölkədə bu virusun olmadığını göstərib, - cümə günü Kənd Təsərrüfatı Nazirliyi yanında Dövlət Baytarlıq Xidmətindən məlumat veriblər.
Dövlət Xidmətindən bildiriblər ki, müayinə olunan 26 vəhşi quşdan və 1403 ev quşundan heç birində virus daşıyıcısı aşkar edilməyib.
Abşeron yarımadasını və ona yaxın əraziləri, Xəzərsahili zolağa daxil olan Dəvəçi, Salyan, Ağcabədi, Lənkəran bölgələrini əhatə edən monitorinqi Səhiyyə, Kənd Təsərrüfatı, Ekologiya Təbii Sərvətlər Nazirlikləri nümayəndələrindən və Ovçular Cəmiyyəti üzvlərindən ibarət xüsusi işçi qrupu keçirib.
Bütövlükdə 2008 - ci il ərzində keçirilən dörd monitorinqdə vəhşi quşlardan və ev quşlarından 7 mindən artıq qan və patoloji material nümunəsi götürülüb.
Ötən il Dövlət Baytarlıq Xidmətinin keçirdiyi 12 monitorinq zamanı 8 min vəhşi quş və ev quşu müayinə olunub. Onların heç birində virus daşıyıcısı aşkar olunmayıb.
Məqalə müəllifilə əlaqə ünvanı: s
