Azərbaycan, Bakı, 15 noyabr / Trend , müxbir Ü.İsmayılova/ MDB dövlət başçıları 2020-ci ilədək iqtisadi inkişaf strategiyasını imzalayıblar. Bu sənəd iqtisadi inkişafın məqsədini, onun qarşısında duran vəzifələri və iqtisadi inkişaf mərhələlələrini, eyni zamanda Birlik ölkələrinin iqtisadi əməkdaşlığının əsas sahələrini müəyyən edir, - xəbəri rəsmi KİV verir. Sənəd Moldovada noyabrın 14-də, MDB dövlət başçılarının Şurasının növbəti toplantısında qəbul olunub.
Birlik üzvü olan ölkələrin hökumət başçılarının Şurasında Baş nazir Artur Rəsizadənin rəhbərliyilə Azərbaycan hökumətini təmsil edən nümayəndə heyəti də iştirak edib.
Toplantının gedişində ölkə başçıları 30 sənəd və qərarı müzakirə və qəbul ediblər; 2020-ci ilədək nəqliyyat sahəsində əməkdaşlığın prioritet istiqamətlərilə bağlı bir sıra sənədlər; əməkçi-miqrantların və onların ailə üzvlərinin hüquqi statusu barədə konvensiya imzalayıblar. İqtisadi Şuraya dünya böhranının aradan qaldırmaq üçün əlavə tədbirlər kompleksinin işlənib hazırlanması tapşırılıb, eyni zamanda 2009-cu ildə Aşqabadda kənd təsərrüfatı forumunun keçirilməsi razılaşdırılıb.
Milli maraqlarını və ölkə qanunvericiliyini nəzərə alaraq, Azərbaycan heç də bütün sənədlərə imza atmayıb.
Toplantıda həm də MDB ölkələri hökumət başçıları Şurasının növbəti yığıncağının 2009-cu ilin mayında Astanada keçirilməsi qərara alınıb.
2009-cu il, yanvarın 1-dən Birliyin nizamnamə orqanlarına, o cümlədən Şuraya sədrlik Moldovaya keçir.
Toplantı çərçivəsində Azərbaycanın Baş naziri Rəsizadə Ukrayna hökumətinin başçısı Yuliya Timoşenko ilə görüşüb. Görüşdə hər iki tərəfi maraqlandıran bir sıra məsələlər müzakirə olunub.
Məqalə müəllifilə əlaqə ünvanı: [email protected]