Azərbaycan, Bakı, 17 noyabr/ Trend , müxbir N.İsmayılova/ 2008 - ci ilin 10 ayı ərzində müəssisələr və təşkilatlar tərəfindən bütün maliyyə mənbələrindən ölkənin iqtisadi və sosial sahələrinin inkişafına 7171,3 mln. manat yatırılıb ki, bu da ötən ilin analoji dövrü ərzində əsas kapitala sərmayə yatırımlarını 38,4 faiz ötür.
Dövlət Statistika Komitəsindən bazar ertəsi bildiriblər ki, özəl mülkiyyətdə olan müəssisələr və təşkilatlar əsas kapitala 2796,8 mln. manat (bütün sərmayələrin 39 faizi), dövlət təşkilatları - 4374,5 mln. manat (61 faiz) yatırıblar.
Təmir-tikinti işlərinə yatırılan sərmayələrin həcmi 55,6 faiz artaraq 4544,7 mln. manat təşkil edib. İstehsal yönümlü obyektlərin tikintisi üçün 5366,4 mln. manat (74,8 faiz) sərmayə istifadə edilib, qeyri - istehsal obyektlərinə 1804,9 mln. manat (25,2 faiz) yatırılıb.
Xüsusi çəkisi 26,1 faiz olan xarici sərmayələr 1875 mln. manat təşkil edib. Müvafiq olaraq, sərmayələrin ümumi həcmindən 73,9 faiz (5296,3 mln. manat) daxili sərmayələrin payına düşüb. Onların həcmi ötən ilin yanvar-oktyabrı ilə müqayisədə 75,4 faiz artıb, xarici sərmayələr 13,2 azalıb. Daxili sərmayələrin böyük hissəsi (79,8 faiz) dövlət müəssisə və təşkilatlarına, 20,2 faizi özəl qurumlara yatrılıb.
Əsas kapitala yatırılan vəsaitlərin 32,1 faizi (2303,6 mln. manat) ölkənin neft sektorunun inkişafına, 67,9 faiz (4867,7 mln. manat) qeyri - neft sektorunun inkişafına yönəldilib. Qeyri - neft sektoruna yatırımlar, ötən ilin analoji dövrü ilə müqayisədə, 94,2 faiz artıb.
İnvestisiyaların 44,6 faizi sənaye sahələri; 3,6 faizi - kənd təsərrüfatı; 0,9 faiz - ticarət və xidmətlər; 23,5 faiz - nəqliyyat; 1,8 faiz - rabitə; 7,5 faiz - mənzil tikintisi; 2 faiz - səhiyyə; 3,8 faiz təhsil; 12,3 faiz digər sahələrin payına düşür.
Maliyyələşdirilməsi büdcə vəsaitləri hesabına həyata keçirilən obyektlərin tikintisinə 2754,8 mln. manat yatırılıb ki, bu da 2008 - ci il dövlət büdcəsində kapital yatırımları üçün təsdiq edilən 4326,3 mln. manat həcmində vəsaitlərin 63,7 faizini təşkil edir. İstifadə edilmiş vəsaitlərin 3/4-dən çoxu təmir-tikinti işlərinə yönəldilib.
Müəssisə və təşkilatların hesabına əsas kapitala 3350,6 mln. manat (sərmayələri ümumi həcminin 46,7 faizi), bank kreditləri hesabına - 235,2 mln. manat (3,3 faiz), büdcə vəsaitləri - 2891,7 mln. manat (40,3 faiz), büdcədənkənar fondlar - 480,5 mln. manat (6,7 faiz), əhalinin şəxsi vəsaitləri - 208,5 mln. manat (2,9 faiz), digər vəsaitlər hesabına 4,8 mln. manat (0,1 faiz) yatırılıb.
Sentyabrın 17- nə olan cari mübadilə məzənnəsi -- 0,8098 AZN/USD.
Müəlliflə əlaqə saxlamaq üçün elektron ünvan: cap
