Azərbaycan, Bakı, 17 noyabr/ Trend , müxbir N.İsmayılova/ 2008 - ci ilin sentyabrı ilə müqayisədə, oktyabrda istehlak malları və xidmət tariflərinin qiymətləri 0,8 faiz, ötən ilin yanvar- oktyabrı ilə müqayisədə, 10 ay ərzində isə, 21,6 faiz artıb, -bazar ertəsi Dövlət Statistika Komitəsindən məlumat veriblər.
Ərzaq mallarının qiymətləri oktyabr ərzində 1 faiz bahalaşıb, qeyri - ərzaq mallarının qiymətləri və xidmət tarifləri isə, müvafiq olaraq, 1,1 və 0,1 faiz bahalaşıb.
2007- ci ilin yanvar - oktyabrı ilə müqayisədə, ərzaq mallarının qiymətləri 30 faiz, qeyri - ərzaq - 11,5 faiz, xidmətlər sahəsində tariflər 11,6 faiz artıb.
Oktyabrda mövsümi dəyişikliklərə məruz qalan (meyvə və tərəvəzlər) və qiymətləri dövlət tərəfindən tənzimlənən mal və xidmətlər çıxılmaqla hesablanan istehlak qiymətlərinin bazis indeksi 100,7 faiz, ötən ilin müvafiq dövrü ilə müqayisədə, 10 ay ərzində 122,9 faiz təşkil edib.
Müəlliflə əlaqə saxlamaq üçün elektron ünvan: [email protected]
