Azərbaycan, Gəncə, 20 noyabr / Trend , müxbir V.Məmmədov/ Gəncədə dekabrın 1-dək "RAF" markalı sərnişin mikroavtobusları marşrutdan çıxarılacaq, - 1 saylı Regional Nəqliyyat Departamentinin rəisi Şəmistan Nağıyev deyib.
Onun sözlərinə görə, hazırda Gəncədə "RAF" markalı 23 avtobus fəaliyyət göstərir.
"Sərnişinlər tez-tez bu avtobusların narahatlığından şikayətlənirlər. Bu səbəbdən "RAF" markalı avtomobilləri xətdən çıxarmaq qərarına gəldik", - Nağıyev söyləyib.
Qadağan olunacaq "RAF" avtomobillərinin yerinə sahibkarlar "Qazel" və "Mercedes" markalı nəqliyyat vasitələrini xəttə buraxacaqlar.
Departament rəhbərinin sözlərinə görə, hazırda Gəncədə 39 istiqamət üzrə sərnişin nəqliyyat vasitələri fəaliyyət göstərir. Onların 31-də kiçikhəcmli mikroavtobuslar, səkkizində iri ölçülü avtobuslar işləyir.
Müəlliflə əlaqə ünvanı: [email protected]