Azərbaycan, Bakı, 21 noyabr/ Trend , müxbir N.İsmayılova/ Moody's reytinq agentliyi Azərbaycanın UniBank-nın xarici və yerli valyutada uzunmüddətli depozit qiymətləndirməsini proqnozun "müsbət"dən "mənfi"yə dəyişdirilməsi ilə "B2"- dək azaldıb, - agentliyin məlumatında bildirilir.
Moody's-a əsasən, yerli və xarici valyutalar üzrə əvvəlki müsbət reytinq səviyyəsi agentliyin UniBank-ın onun kateqoriyasına uyğun olması rəyini əks etdirib və bankın daha yüksək reytinq kateqoriyasına keçirilməsi ehtimalının yüksək olduğunu göstərib.
Moody's-in reytinqi "mənfi"yə dəyişmək qərarı UniBank-ın likvidliyinin zəifləməsini və bankın qarşılaşdığı təkrarmaliyyələşdirmə riskinin artmasını əks etdirir. Mənfi perspektiv agentliyin UniBank-ın özünün borc öhdəliklərini təkrarmaliyyələşdirmə qabiliyyəti ilə bağlı narahatlığını da göstərir.
"Son illər UniBank-ın aktivlərinin sürətli artımı, əsas etibarilə, 2006 - cı ildəki 33 mln. dollardan 2008 - ci ildə təxminən 223 mln. dollaradək artmış xarici borclanmaların hesabına maliyyələşdirilib", - Moody's-in Moskvadakı nümayəndəliyinin analitiki və UniBank üzrə aparıcı analitik Lev Dorf bildirib.
Agentlik UniBank-ın Azərbaycan Milli Bankından alacağı likvidliyə dəstək hesabına, qarşıdakı borc öhdəliklərini qismən ödəcəyini gözləyir. AMB artıq UniBank üçün 62 mln. dollar borcu təmin etməyə razılıq verib.
Moody's güman edir ki, UniBank xarici borclanmaların əhəmiyyətli hissəsini təkrar maliyyələşdirməklə, maliyyələşdirmə və likvidliyini yaxşılaşdırarsa - bankın reytinqi "davamlı" səviyyəsinə qaytarıla bilər.
Noyabrın 21 - nə olan cari mübadilə məzənnəsi -- 0,8099 AZN/USD.
Müəlliflə əlaqə saxlamaq üçün elektron ünvan: [email protected]
