Azərbaycan, Bakı, 29 noyabr/ Trend , müxbir İ.Xəlilova/ Azərbaycanın Dövlət Əmlakının İdarə Edilməsi üzrə Dövlət Komitəsi "Balakən" kiçik su elektrik stansiyasını sərmayə müsabiqəsinə çıxarıb, - dövlət komitəsindən şənbə günü bildiriblər.
Müsabiqə təkliflərinin qiymətləndirilməsi dekabrın 29-da baş tutacaq. İddiaçılar dekabrın 28-dək saat 10.00-dan 17.30-dək özəlləşdirmə planı ilə tanış ola bilərlər.
Müsabiqə zamanı elektrik enerjisinin istehsalı və satışı sahəsində qabaqcıl təcrübəyə malik olan iddiaçılara üstünlük veriləcək. Müsabibqədə iştirak etmək üçün elektrik enerjisi istehsalı və satışının bərpasının müddəti və sərmayələrin həcmini nəzərədə tutan investisiya proqramı təqdim etmək lazımdır.Həmçinin dövlət büdcəsinə 25 min manatın ödənilməsi və silinmək üçün dövlət komitəsinə 2 min özəlləşdirmə çekinin verilməsinə dair təklif təqdim edilməlidir. İddiaçılar niyyətlərinin ciddiliyini təsdiq etmək üçün istənilən bankın zəmanət məktubunu və ya Dövlət Əmlakının İdarə Edilməsi üzrə Dövlət Komitəsinə 8 min manatın ödənilməsi haqqında arayış təqdim etməlidirlər.
Müsabiqənin qalibi SES-in sərmayə müsabiqəsi yolu ilə satışı üzrə məsləhətçinin - AzSpetstProminvest-in (ASPİ) bank hesabına $700 məbləğində vəsait ödəməlidir.
Bu günədək artıq mövcud doqquz kiçik su elektik stansiyasından beşinin özəlləşdirilməsi başa çatdırılıb. Artıq Şəki, Muğan, Quba, Nügədi və Qusar SES özəlləşdirilib. "Çiçəkli", "Zeyxur", "Balakən" və "Çinarlı" kimi su elektrik stansiyalar dövlətin mülkiyyətində qalıb.
Yeni sahiblər SES-i alıb və profillərini dəyişmədən onların fəaliyyətini bərpa etmək niyyətindədirlər, dövlət komitəsindən qeyd ediblər. Məsləhətçinin - Azərbaycanın ASPİ şirkətinin araşdırmalarına əsasən, bu elektrik stansiyaları bərpa etmək kifayət qədər çətindir. Bu ona əsaslanıb ki, bu ərazi ətrafında tikinti işləri aparılıb və su elektrik stansiyasının tam işləməsi üçün tələb olunan kanalların, boru kəmərlərinin çəkilməsinə imkan yoxdur. Bununla əlaqədar, Dövlət Əmlakının İdarə Edilməsi üzrə Dövlət Komitəsində təkliflərində onlardan təyinatı üzrə deyil, turizm bazası və ya digər obyektlər altında istifadə üçün SES-i bələdiyyələrə satmaq təklif edilirdi.
Mümkündür ki, bu səbəbdən SES-in dövlət mülkiyyətinə verilməsi üçün sərmayədarların axtarışı ilə bağlı problemlər olsun.
2008-ci il sentyabrın 1-nə olan məlumata əsasən, "Balakən" SES-in satış dəyəri 14 763 manat səviyyəsində müəyyən edilib. Kompleks istiqamətli və derivasiya tipli bu elektrik stansiya 1954-cü ildə istismara verilib. Su stansiyaya Balakənçaydan daxil olur. SES-in layihə gücü ildə 304 kVt-ya bərabərdir. SES-in kredit və debitor borcu yoxdur.
Noyabrın 29-na olan cari mübadilə məzənnəsi -- 0, 8079 AZN/USD.
Müəlliflə əlaqə saxlamaq üçün elektron ünvan: [email protected]
