...

Naxçıvan MR- də ÜDM- in artım templəri 30 faizi ötüb

Biznes və iqtisadiyyat xəbərləri Materials 1 Dekabr 2008 19:47 (UTC +04:00)

Azərbaycan, Bakı, 01 dekabr/ Trend , müxbir S.Babayeva/2008 - ci ilin yanvar - oktyabrı ərzində Naxçıvan Muxtar Respublikasında (NMR) ÜDM-in həcmi, 2007- ci ilin eyni dövrü ilə müqayisədə, 30,8 faiz artıb və 613 mln. manata çatıb. Bu barədə bazar ertəsi NMR-in Bakıdakı daimi nümayəndəliyindən məlumat veriblər.

Bu dövr ərzində ÜDM strukturunda 48,1 faiz və ya 294 mln. manat mal istehsalının payına düşüb. Göstərilmiş xidmətlərə görə 287,2 mln. manat (xüsusi çəkisi 46,9 faiz) həcmində əlavə dəyər formalaşıb, 5 faiz və ya 30,6 mln. manat məhsul və idxala qoyulan xalis verginin payına düşüb.

Yanvar - oktyabrda sənaye sahəsinə 14,6 faiz (89,5 mln. manat) əlavə dəyər formalaşıb. Kənd təsərrüfatı - 14,8 faiz (90,2 mln. manat), tikinti - 18,7 faiz (115 mln. manata yaxın), nəqliyyat - 3,3 faiz (20,3 mln. manat), rabitə sektoru - 2,5 faiz (15,1 mln. manat), topdan və pərkandə ticarət, avtomobil, müxtəlif məişət texnikasının təmiri - 22,2 faiz (137 mln. manat).

Dekabrın 1 - nə olan cari mübadilə məzənnəsi - 0,8088 AZN/USD

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti