Azərbaycan, Bakı, 10 dekabr/ Trend / Cari ilin yanvar-noyabr aylarında Azərbaycanın ticarət şəbəkələri ilə əhaliyə 6,2 mlrd. manatlıq ərzaq və 3,4 mlrd. manat həcmində qeyri-ərzaq malları satılıb ki, bu da 2007-ci ilin analoji dövr göstəricisi ilə müqayisədə 10 və 30,3 faiz çoxdur. Bu barədə ölkənin Dövlət Statistika Komitəsi məlumat verir.
Bu dövr ərzində əhaliyə 3 mlrd. manat həcmində pullu xidmət göstərilib ki, bu da ötən ilki göstəricidən 29,6 faiz artıqdır. Göstərilən xidmətlərin 79,8 faizi hüquqi, 20,2 faizi isə fiziki şəxslərin payına düşüb, bu sahələr üzrə artım müvafiq olaraq 36,7 və 7,5 faiz təşkil edib.
Pərakəndə satışın ümumi dövriyyəsindən 9,6 mlrd. manatı - 16,2 faiz hüquqi şəxslər, 43,9 faizi isə fiziki şəxslər tərəfindən təşkil olunan yarmarkalar zamanı və bazarlarda həyata keçirlib və yalnız 39,9 faiz özəl sahibkarların payına düşüb.
