Azərbaycan, Bakı, 11 dekabr/ Trend , müxbir Ü.İsmayılova/ İlin əvvəlindən Ata Sigorta ASC - nin sərmayə portfeli 37,7 faiz artıb və dekabrın 1-nə 5,025 mln. manata çatıb, - cümə axşamı şirkətdən bildiriblər.
Sərmayələrin ümumi həcmindən 4,075 mln. manat (81 faiz) bank depozitləri, 950 min manat etibarlı biznes-qurumların qiymətli kağızlarının (istiqrazlar) payına düşüb.
Maliyyə vəsaitlərinin və sığorta ehtiyatlarının etibarlı və səmərəli yerləşdirilməsi "AtaSığorta" şirkətinin əsas maliyyə vəzifələrindən biridir. Şirkət maliyyə kapitalını müxtəlif formalarda yerləşdirməklə, həm risklərin diversifikasiyasını təmin edir, həm də iqtisadi səmərə əldə edir, - şirkətin məlumatında bildirilir.
Maliyyə siyasətinin təmin edilməsi məqsədilə, şirkət iqtisadiyyatın sahələrinin və maliyyə bazarının dərindən öyrənilməsi əsasında öz maliyyə vəsaitlərini əlverişli şərtlərlə bank depozitlərinə, dövlət və korporativ qiymətli kağızların alınmasına yatırıb.
Ata Sigorta sığorta şirkəti 2004 - cü ildən fəaliyyət göstərir. ASC-nin ödənilmiş Nizamnamə kapitalı 2 mln. manata bərabərdir.
Dekabrın 11-nə olan cari mübadilə məzənnəsi -- 0,8068 AZN/USD.
Müəlliflə əlaqə saxlamaq üçün elektron ünvan: [email protected]
