Azərbaycan, Bakı, 24 dekabr/ Trend , müxbir Ü.İsmayılova/ "Dövlət Torpaq və Xəritəçəkmə Komitəsi Mədəniyyət və Turizm Nazirliyinin sifarişi ilə Azərbaycanın turizm atlasını hazırlayıb", - Dövlət Komitəsinin rəhbəri Qərib Məmmədov çərşənbə günü bildirib.
Onun sözlərinə görə, "Azərbaycanda belə xəritə ilk dəfə hazırlanıb və burada, əsasən, ölkənin turizm marşrutları və obyektləri göstərilir".
Atlasda bütün inzibati rayonlar, təbiət, iqlim, flora, fauna, bitki dünyası, tarixi-memarlıq abidələri və s.göstərilib, - Komitə Rəhbəri dəqiqləşdirib.
"Belə xəritənin hazırlanmasında əsas məqsəd Azərbaycanda turizmin inkişafıdır", - Məmmədov deyib.
2002 - 2005 - ci illərdə turizmin inkişafı Dövlət Proqramı çərçivəsində, Bakı Xəritəçəkmə Fabrikində "Azərbaycanın turizm atlası" hazırlanıb. Atlasın tərtibinin elmi rəhbəri Komitənin rəhbəri Qərib Məmmədovdur.
Müəlliflə əlaqə saxlamaq üçün elektron ünvan: [email protected]
