Azərbaycan, Bakı, 26 dekabr/ Trend , müxbir N.İsmayılova/ "2009-cu ilin əvvəlində yeni bank olmayan kredit strukturlarının Azərbaycan Mikromaliyyələşdirmə Təşkilatları Assosiasiyasının (AMFA) sıralarına daxil olacağı gözlənilir, - AMFA-nın icraçı direktoru Jalə Hacıyeva cümə günü bildirib.
"Hazırda respublikada yeni bank olmayan kredit təşkilatları yaradılır və onlar Azərbaycan Milli Bankından lisenziya aldıqdan sonra Assosiasiyaya müraciət edəcəklər. Lakin əvvəlcədən biz onlarla müzakirələr aparmışıq", - Hacıyeva deyib.
Oktyabrda iki yeni üzv AMFA-nın sıralarına qəbul edilib. Bunlar Bank Respublika və Azərbaycanda KfW Alman İnkişaf Bankı tərəfindən yaradılmış Kredit-zəmanət Fondu və Azərbaycan - Almaniya Fondunun məsləhətçisi olan Beynəlxalq Əməkdaşlıq üçün Əmanət Kassaları Fondudur. (SBFİC)
Ölkədə fəaliyyət göstərən 18 mikromaliyyə təşkilatından 14-ü AMFA-nın üzvüdür. Bu gün AMFA-nın 26 üzvü var (onların 11 bankdır). İyulun 1-nə olan vəziyyətə görə, 24 üzvün kredit portfeli cari il ərzində 100 faiz artaraq, 600 mln. dollar təşkil edir. Kreditlərin yarısı kənd təsərrüfatı, 25 faizi - ticarət əməliyyatları və s. maliyyələşdirilməsinə yönəldilib. AMFA-nın fəal müştərilərinin sayı 290 mini ötür.
Müəlliflə əlaqə saxlamaq üçün elektron ünvan: [email protected]
