"Azərbaycan, Bakı, 26 dekabr/ Trend , müxbir N.İsmayılova/ "Bank of Baku beynəlxalq reytinqin alınması məsələsini yalnız gələn il nəzərdən keçirəcək", - bankın İdarə Heyətinin sədri Cəlal Qasımov bildirib.
"Aparıcı reytinq şirkətlərinin dünya maliyyə böhranının alovlanmasında əsas rol oynamış kağızlara ən yüksək reytinqlərin (AAA səviyyəsi) verməsi, bu agentliklərin maliyyə institutlarına reytinq verərkən istifadə etdikləri hazırki üsulların səmərəliliyini şübhə altına qoyub", - Qasımov vurğulayıb.
Onun sözlərinə görə, əvvəllər bank artıq 2009-cu ildə reytinqin alınması prosesinə başlamağı planlaşdırırdı.
Bank of Baku 2005-ci ildə, iki yerli özəl bankın birləşməsi nəticəsində yaranıb. Avropa Yenidənqurma və İnkişaf Bankı 2005 - ci ildə Azərbaycanın bu bankının səhmdarı olub.
Müəlliflə əlaqə saxlamaq üçün elektron ünvan: [email protected]
